Unsa ang mga Pagpahinungod sa Templo?

Mga paghulagway pinaagi ni Rachel Erickson

Kon ang usa ka bag-ong templo mahuman, ang propeta o apostol molitok og usa ka importante nga pag-ampo aron ipahinungod, o panalanginan, ang templo. Kini nga pag-ampo ang nakapalahi sa templo aron mahimo kining balaan nga dapit diin atong mahimo ang mga buluhaton sa Dios. Ang mga propeta misaad nga gatosan ka templo ang ipahinungod ngadto sa Ginoo.

Managua Nicaragua Temple

Kini ang mahimong una nga templo sa Nicaragua.
Niadtong 2012 si Elder Russell M. Nelson mibisita sa Nicaragua ug miawhag sa katawhan nga mangandam alang sa usa ka templo. Miingon siya, “Ako mosaad kaninyo nga kon kamo andam, ang Ginoo mohimo sa Iyang bahin aron kamo makabaton og templo” (tan-awa sa Liahona, Hunyo 2012, 77).

Singapore Temple

Kini mao unya ang unang templo sa Republika sa Singapore.
Niadtong 2000, ang propeta midapit sa mga miyembro sa Simbahan sa Singapore aron mag-andam alang sa usa ka templo.
Hangtod nga kini mahuman, ang mga miyembro kinahanglang mobiyahe pa ngadto sa Pilipinas aron motambong sa templo.