“Mālō e Lelei mei Simipāpuē!” Kaumeʻá, Sepitema 2024, 8–9.
Mālō e Lelei mei Simipāpuē!
Ako fekauʻaki mo e fānau ʻa e Tamai Hēvaní ʻi he funga māmaní.
ʻOku tuʻu ʻa Simipāpuē ʻi he Fakatonga ʻo ʻAfiliká. ʻOku laka hake ʻi he kakai ʻe toko 16,500,000 ʻoku nofo ai.
Ngaahi Lea Fakafonuá
ʻOku ʻi ai ha ngaahi lea fakafonua fakaʻofisiale ʻe 16 ʻi Simipāpuē. Ko e konga ai—ko e Fakasona, Fakanitipele, mo e Fakapilitānia!
Ko ha ʻAʻahi mei he Palōfitá
ʻI ʻEpeleli 2018, naʻe ʻaʻahi ai ʻa Palesiteni mo Sisitā Nalesoni ki Simipāpuē. Naʻe hiva ʻe ha fānau ʻe laungeau ʻa e “Fānau Au ʻa e ʻOtuá” kiate kinaua.
Ko ha Vaitō Fakaʻofoʻofa
Ko e Vaitō Vikatōlia ʻi Simipāpueé, ko e vaitō lahi taha ia ʻi he māmaní. ʻE lava ke ongona ʻa e longoaʻá mei ha maile ʻe 24 (km ʻe 40) hono mamaʻó!
Fanga Monumanu Fakaofó
ʻOku lahi ha ngaahi feituʻu musie lalahi ʻi Simipāpuē. Ko e niʻihi ʻo e fanga monumanu ʻoku nofo aí ko e fanga laione, hipopotamasi, silafe, ʻanitilope, mo e ʻelefānite.
ʻŪ tā fakatātā ʻa Katie Rewse