Ako fekauʻaki mo e Tohi ʻa Molomoná

Ko e Ngaahi Fakaʻilonga ʻo e Hāʻele Mai ʻa Kalaisí

Naʻe akoʻi ʻe he palōfita ko Samuelá fekauʻaki mo e hāʻele mai ʻa Sīsū Kalaisí.

Naʻá ne akoʻi ko e taimi ʻe hāʻele mai ai ʻa Sīsuú, ʻe ʻi ai ha fetuʻu foʻou ʻi he langí. ʻE ʻi ai ha ʻaho, ko ha pō, mo ha ʻaho ʻe ʻikai ha fakapoʻuli ai!

Naʻá ne akoʻi e kakaí ke nau fakasio ʻa e ngaahi fakaʻilonga ko ʻení koeʻuhi ke nau fakatomala. Naʻá ne fiemaʻu ke nau mateuteu ki he hāʻele mai ʻa e Fakamoʻuí.

ʻI he toe hāʻele mai ʻa e Fakamoʻuí, ʻoku fiemaʻu ke tau mateuteu foki mo kitautolu!

Faʻu ha foʻi fetuʻu ke fakamanatu kiate koe ʻa e fetuʻu foʻou naʻe hā ʻi he taimi naʻe hāʻele mai ai ʻa Sīsuú. Te ke lava ʻo tā ia pe ngaohi ʻaki ha ngaahi meʻa te ke maʻu. ʻOmi ʻa e meʻa naʻá ke ngaohí kiate kimautolu! Vakai ki he takafi muí ke ke ʻiloʻi ʻa e foungá.

Tukupā ʻo e Folofolá

• Ko e fē feituʻu naʻe lotua ai ʻe Nīfai ʻa e kakaí? (Hilamani 7:10)

• Monūʻia ʻa kinautolu ʻoku nau fakahoko ʻa e hā? (Hilamani 12:23)

• Naʻe talaʻofa ʻa e ʻEikí te Ne tānaki Hono kakaí ‘o hangē ko e tānaki fakataha ‘e he hā, ʻa hono ʻuhikí? (3 Nīfai 10:4)

Ngaahi Talí: Ko ha taua ʻi ha ngoue; fakatomala; motuʻa moa

Teu Lava ke Lau ʻa e Tohi ʻa Molomoná!

Hili hoʻo laú, valivali ha konga ʻo e fakatātaá. Te ke lava ʻo lau ʻa e ngaahi potufolofola ko ʻeni ʻoku fekauʻaki mo e laukonga ʻo e uike takitaha mei he Haʻu, ʻo Muimui ʻIate Aú.

• Uike 1: Hilamani 5:12

• Uike 2: Hilamani 10:2–4

• Uike 3: Hilamani 14:8

• Uike 4: 3 Nīfai 4:31–32

• Uike 5: 3 Nīfai 11:10–11

ʻŪ tā fakatātā ʻa Bryan Beach