Lotua ʻe Nīfai ʻa e Kakaí

Ko Nīfaí ko ha palōfita. Naʻe fakatauhingoa ia kia Nīfai ʻa ia naʻá ne ʻomi ʻa e ʻū lauʻi peleti palasá. Naʻe hohaʻa fekauʻaki mo e kakaí. Kuo ʻikai ke nau toe muimui ki he ʻOtuá.

Naʻe ʻalu ʻa Nīfai ki heʻene ngoué. Naʻá ne kaka ʻi ha taua ʻi he ngoué ʻo lotu ai ki he ʻOtuá. Naʻá ne lotua ʻa e kakaí.

Kakai ʻoku nau mamata ki he lotu ʻa Nīfaí

Naʻe fakatokangaʻi ʻe ha kakai ʻe niʻihi ʻa Nīfai ʻi he tauá. Naʻa nau tuʻu ʻo fakafanongo mo tānaki mai e niʻihi kehé ke fanongo. ʻI he ʻosi e lotu ʻa Nīfaí, naʻá ne fakatokangaʻi ʻoku nau sio kiate ia pea ne kamata ke akoʻi kinautolu.

Naʻe kole ʻe Nīfai ki he kakaí ke nau fakatomala. Naʻe ʻikai ke saiʻia ha niʻihi ʻi he meʻa naʻe akoʻi ʻe Nīfaí. Ka naʻe fakafanongo ha niʻihi tokolahi kehe! Naʻa nau fili ke fakatomala mo liliu honau ngaahi halá.