Ngaahi ʻEkitivitī Haʻu, ʻo Muimui ʻIate Aú

Ki he efiafi ʻi ʻapí pe ako folofolá—pe ke maʻu pē ha fiefia!

26 ʻAokosi–1 Sepitema

Ngaahi Makatuʻunga Mālohí

Ki he Hilamani 1–6

A bird feeder on a rock and knocked down.

Naʻe akoʻi ʻe Hilamani hono ngaahi fohá ke langa hake ʻenau moʻuí ʻi he makatuʻunga mālohi ʻo Sīsū Kalaisí (vakai, Hilamani 5:12). Ko e fakavaʻé (makatuʻungá) ko e meʻa ia ʻoku langa ai ha meʻa. ʻOku hoko ʻa e fakavaʻe mālohí ke mālohi kotoa ai ʻa e falé, naʻa mo e taimi ʻo ha ngaahi matangi mālohi. Langa ha taua ʻe ua—taha ʻi ha fakavaʻe mālohi pea taha ʻi ha fakavaʻe vaivai. Ko e fē ʻa e taua ʻoku mālohi angé? Te tau langa fēfē nai ʻetau moʻuí ʻia Sīsū Kalaisi?

Maʻá e fānau iiki angé: Tokoniʻi hoʻo fānau īkí ke nau kumi ha meʻa ʻoku nau pehē ʻoku mālohi ʻaupito. Ko e hā e meʻa ne nau maʻú? Akoʻi ange te tau lava ʻo mālohi ʻia Sīsū Kalaisi.

2–8 Sepitema

Fakamoʻoni kia Kalaisí

Ki he Hilamani 7–12

A girl reads something to a boy sitting on a couch.

Naʻe tokolahi ha kakai ʻi he folofolá ne nau akoʻi mo fakamoʻoni kia Sīsū Kalaisi (vakai, Hilamani 8:16–20). Te ke lava foki ʻo kamata langaki hoʻo fakamoʻoni kiate Iá! Ko e fakamoʻoní ko ha meʻa ʻokú ke tui pe ʻiloʻi ʻoku moʻoni fekauʻaki mo e Tamai Hēvaní mo Sīsū Kalaisi. Hiki hoʻo fakamoʻoní pea akoako vahevahe ia mo ho fāmilí pe ngaahi kaungāmeʻá.

Maʻá e fānau iiki angé: Fehuʻi ki hoʻo fānau īkí ko e hā e meʻa ʻoku nau saiʻia ai kau kia Sīsū Kalaisí. Vahevahe leva mo kinautolu hoʻo fakamoʻoni ki he Fakamoʻuí.

9–15 Sepitema

Ko e Kaka ʻa Samuela ʻi he Funga ʻAá

Ki he Hilamani 13–16

A boy and a girl cutting out and creating crafts.

Ko Samuelá ko ha palōfita naʻá ne akoʻi fekauʻaki mo Sīsū Kalaisi ʻi ʻolunga ʻi ha funga ʻā he koló (vakai, Hilamani 13:4). ʻAlu ki he peesi 12 pea faʻu ha ngāue fakameaʻa ke tokoni atu ki hoʻo fakahoko ʻa e talanoa ʻo Samuelá.

Maʻá e fānau iiki angé: Pukepuke hoʻo fānau iiki angé lolotonga ʻenau tuʻu ʻi ha sea ʻo vahevahe ʻa e meʻa ʻoku nau ʻilo fekauʻaki mo Sīsū Kalaisí, hangē ko ia ne fai ʻe Samuelá.

16–22 Sepitema

Vaʻinga Tānakí

Ki he 3 Nīfai 1–7

Children playing a game, one of them has a hand raised.

Naʻe talaʻofa ʻe Sīsū Kalaisi te Ne tānaki kotoa ʻEne fānaú koeʻuhi ʻokú Ne ʻofeina e taha kotoa pē pea finangalo ke nau maʻu ʻa e ongoongoleleí (vakai, 3 Nīfai 5:24). Fai ha kiʻi vaʻinga fekauʻaki mo e tānakí. ʻAi ke tuʻu takatakai e kau vaʻingá ʻi ha siakale. ʻE lea ʻaki ʻe he tokotaha ʻi lotomālié ha foʻi moʻoni fekauʻaki mo kinautolu, hangē ko e lanu ʻoku nau saiʻia taha aí. Kapau ʻoku kaunga ha niʻihi kehe ʻi he foʻi moʻoni ko iá, te nau haʻu foki mo kinautolu ki lotomālie. Hokohoko atu pē kae ʻoua kuo fakataha mai ʻa e tokotaha kotoa pē ki lotomālie.

Maʻá e fānau iiki angé: Vaʻinga langatoi mo hoʻo fānau iikí. Fāʻofua kiate kinautolu ʻi hoʻo maʻu kinautolú. Talanoa fekauʻaki mo e founga ʻoku talaʻofa mai ai ʻa Sīsū Kalaisi te Ne tānaki kitautolu ʻo tatau ai pē pe ko e fē feituʻu ʻoku tau ʻi aí.

23–29 Sepitema

Ko Sīsū ʻa e Māmá

Ki he 3 Nīfai 8–11

A boy drawing at a table.

Ko Sīsū Kalaisi ʻa e “maama pea mo e moʻui ʻo e māmaní” (3 Nīfai 9:18). Mamataʻi mo ho fāmilí ha hopo pe tō ʻa e laʻaá. Tā leva ha fakatātā ʻo e meʻa naʻá ke mamata ki aí. Lolotonga hoʻo tā fakatātaá, talanoa kau ki he ngaahi ʻuhinga ʻokú ke ʻofa ai ʻia Sīsū Kalaisí pea mo e founga ʻokú Ne ʻomi ai ʻa e māmá kiate koé.

Maʻá e fānau iiki angé: Hū ki tuʻa ʻo sio ki he ʻū maama kehekehé, hangē ko e laʻaá, fetuʻú, pe ko e māhiná. Fehuʻi ki hoʻo fānau īkí pe ʻoku nau ongoʻi fēfē nai ʻi he māmá. Talanoa fekauʻaki mo e founga ʻoku hoko ai ʻa Sīsū Kalaisi ko ʻetau māmá.

PDF

ʻŪ tā fakatātā ʻa Katy Dockrill