Magtambayayong

Ni Presidente Henry B. Eyring

Ikaduhang Magtatambag sa Unang Kapangulohan

Gikuha sa “Ang Atong mga Kasingkasing Nabugkos diha sa Panaghiusa,” Liahona, Nob. 2008, 68–71.

Tanan kita managlahi. Apan ang propeta sa Ginoo kanunay nga naghangyo kanato nga maadunay panaghiusa. Kon kamo adunay panaghiusa, inyong higugmaon ang usag usa ug magtambayayong.

Usa ka paagi nga kita mahiusa mao ang pagdungan og ampo. Kausa nagluhod ko sa wala pa matulog kauban sa pamilya nga akong gibisita. Ang labing gamay nga bata ang mihatag sa pag-ampo. Siya nag-ampo nga ginganlan ang matag tawo sa pamilya.

Laing paagi nga kita nag-ugmad og panaghiusa mao ang pagkahimong tigpasiugda sa kalinaw. Ang tigpasiugda og kalinaw motabang sa katawhan nga makita kon unsa ang pareho nga anaa kanila. Bisan ang atong mga panaglahi makatabang kanato nga makat-on ug molambo.

Kon kita magkahiusa ug dungan nga mosunod sa Manluluwas, kita mahimo sa unsay gusto sa Langitnong Amahan nga kita mahimo.

Puzzle kabahin ni Jesukristo

Si Presidente Eyring nagtudlo nga kita mas daghan pa og mahimo kon kita magkahiusa! Guntinga subay sa nagtuldok-tuldok nga linya ug paghatag og mga piraso sa matag sakop sa imong pamilya. Dayon pagtinabangay isip usa ka team sa pagpares sa mga kolor ug pagsumpay sa mga piraso.