Nagkamaayo Matag Adlaw

Ni Heber A., edad 8, Praia, Cape Verde

Ganahan ko magbasa sa mga kasulatan! Sa dihang ang bag-ong templo sa Cape Verde gitukod, nitabang ko sa open house sa templo. Gusto ko nga maandam sa pagbisita sa templo, mao nga mibasa ko sa Basahon ni Mormon ug mitiwas sa mga hulagway nga basahon sa Daang Tugon sa makatulong higayon.

Karon nagsugod ko og basa sa Doktrina ug mga Pakigsaad. Adunay daghang butang mahitungod sa mga templo niini! Apan ang duha nakong paboritong mga istorya sa kasulatan kay gikan sa Basahon ni Mormon, bahin ni Ammon ug Kapitan Moroni. Gusto kong mahisama nila. Ang pagbasa sa mga kasulatan mao ang paagi sa pagsunod ni Jesukristo.

Mosunod usab ko ni Jesukristo pinaagi sa pagpaninguha sa pagtuman sa akong mga tumong. Ang akong espiritwal nga mga tumong mao ang pag-andam alang sa simbahan sa oras ug sa pagbasa sa Basahon ni Mormon. Ang akong pisikal nga mga tumong mao ang pagpraktis og karate ug soccer. Ang akong intelektwal nga mga tumong mao ang pagbasa sa Basahon ni Mormon ug pagkat-on og Ininglis. Ug sa kataposan, ang akong sosyal nga tumong mao ang kanunayng pagtabang sa akong mga higala. Ang akong mga tumong nagtabang kanako nga mahimong mas maayo matag adlaw!