Dali, Sunod Kanako nga mga Kalihokan

Alang sa home evening o pagtuon sa kasulatan—o alang sa kalingawan lamang!

Septiyembre 30–Oktubre 6

Kahon sa Bahandi

Alang sa 3 Nephi 12–16

Si Jesukristo miingon, “Kay hain gani ang inyong bahandi atua usab didto ang inyong kasingkasing” (3 Nephi 13:21). Pagdayan-dayan og kahon sa mga kasingkasing ug mga hulagway sa Manluluwas. Dayon pagsulat o pagdrowing og mga butang nga inyong mabuhat aron mahimong sama Kaniya ug isulod kini sa inyong bag-ong kahon sa bahandi. Mahimo kamong motan-aw sa inyong kahon matag Dominggo aron sa pagpahinumdom kaninyo sa pagsunod kang Jesus niana nga semana!

Alang sa mas gagmayng mga bata: Tabangi ang inyong anak sa pagpangita sa ilang pitik sa kasingkasing o inyong pitik sa kasingkasing. Istoryahi kon sa unsang paagi dili nato makita ang atong mga kasingkasing apan mabatyagan ra nato kini. Sa samang paagi, dili nato makita ang Dios apan mabatyagan nato ang Iyang gugma.

Oktubre 7–13

Paghinumdom ni Jesukristo

Alang sa 3 Nephi 17–19

Mihatag si Jesukristo sa sakramento ngadto sa mga Nephita. Siya mitudlo kanila sa pagdawat niini aron kanunay sila makaangkon sa Iyang Espiritu uban kanila (tan-awa sa 3 Nephi 18:7). Adto sa pahina 19 aron maghimo og door-hanger craft aron sa pagtabang kaninyo sa paghinumdom ni Jesus atol sa semana.

Alang sa mas gagmayng mga bata: Basaha og kusog ang kasulatan diha sa 3 Nephi 18:7 ngadto sa inyong gagmayng mga bata. Ingna sila sa pagbutang sa ilang kamot diha sa ilang kasingkasing sa matag higayon nga makadungog sila sa pulong nga “hinumdomi.” Pag-istorya kon unsaon ninyo paghinumdom ni Jesukristo.

Oktubre 14–20

Pagtipig og usa ka Rekord

Alang sa 3 Nephi 20–26

Ang Manluluwas misulti sa mga Nephita sa pagtipig og usa ka rekord sa unsay Iyang gitudlo kanila ug sa mga butang nga nahitabo kanila (tan-awa sa 3 Nephi 23:4, 7–13). Idrowing o isulat ang mahitungod sa usa ka maayo nga butang nga nahitabo kaninyo karong semanaha. Giunsa kamo pagpanalangin sa Langitnong Amahan?

Alang sa mas gagmayng mga bata: Kantaha ang “Mga Pamilya Mahimong Manag-uban sa Hangtud” (Songbook sa mga Bata, 98). Dapita ang inyong gagmayng mga bata sa pagpakigbahin og usa ka butang nga ilang ganahan bahin sa ilang pamilya.

Oktubre 21–27

Si Jesus Nagdala og Kalipay

Alang sa 3 Nephi 27–4 Nephi

Diha sa 4 Nephi, ang mga Nephita malipayon tungod kay sila nagsunod ni Jesukristo (tan-awa sa 4 Nephi 1:15–16). Pagpuli-puli sa hilom sa pag-akting sa mga butang nga inyong gibuhat sa pagsunod sa Manluluwas nga nagdala kaninyo og kalipay. Ipatag-an nila unsa ang giakting sa tawo.

Alang sa mas gagmay nga mga bata: Ipakita sa inyong gagmayng mga bata ang mga hulagway sa mga tawo nga gapahiyom. Dapita sila sa pagpraktis sa ilang malipayon nga mga nawong! Hisgoti kon sa unsang paagi ang mga Nephita nalipay sa dihang sila misunod ni Jesukristo.

Mga Paghulagway pinaagi ni Katy Dockrill