Take 5

5 ka Paagi sa Pagbuhat sa Kasaysayan sa Pamilya

Ni Charlotte Larcabal Speakman

1. Pagkat-on sa inyong mga istorya sa pamilya. Bisan unsa nga istorya mahitungod sa mga sakop sa inyong pamilya importante. Ang pipila mahimong bahin sa inyong mga katigulangan, ug ang pipila mahimong bahin ninyo! Ang mga istorya sa pamilya dili kinahanglan nga bahin sa dagkong mga panghitabo. Ang ubang labing maayo nga mga istorya sa pamilya mga makalingaw lamang.

2. Pagkat-on bahin sa mga nasod diin gikan ang inyong mga katigulangan. Kon ang inyong mga katigulangan naggikan sa laing nasod, pagkaplag og dugang pa bahin niana nga nasod. Unsay ilang pagkaon didto? Unsa ang pipila ka mga tradisyon niana nga nasod?

3. Mangutana. Pangutan-a ang inyong mga apohan, mga ginikanan, mga iyaan, ug mga uyoan mahitungod sa ilang mga kinabuhi. Diin sila natawo? Unsa ang ilang pagkabata? Unsa ang paborito nga panumdoman? Isulat ang inyong panag-istoryahanay.

4. Paghimo og journal. Isulat ang inyong kaugalingong kasaysayan sa pamilya diha sa journal! Mahimo ninyong isulat ang mahitungod sa inyong adlaw, unsay inyong ganahan, o unsay importante alang kaninyo.

5. Pagkaplag og bag-ong mga ngalan. Mahimo kamong mogamit sa FamilySearch.org aron sa pagpangita og mga ngalan, sama sa gibuhat ni Javi. (Basaha ang iyang istorya sa pahina 36.) Paghangyo og tabang gikan sa usa ka sinaligan nga hamtong ug tan-awa kinsa ang inyong makaplagan!

Paghulagway pinaagi ni Sue Reeves