“Si Jesus Tagsa-tagsa nga Mipanalangin,” Higala, Oktubre 2024, 26–27.
Mga Istorya sa Kasulatan
Si Jesus Tagsa-tagsa nga Mipanalangin
Mga Paghulagway pinaagi ni Andrew Bosley
Ang mga propeta mitudlo sa mga Nephita bahin sa mga timailhan sa kamatayon ni Jesukristo. Sa dihang namatay Siya, dihay kangitngit sa yuta sulod sa tulo ka adlaw. Human niadto, ang katawhan nakadungog sa tingog sa Langitnong Amahan nga nagsulti gikan sa langit.
Miingon ang Langitnong Amahan, “Tan-awa ang akong Hinigugmang Anak” (3 Nephi 11:7). Si Jesus nagpakita ngadto sa mga Nephita. Nabanhaw Siya! Gitudloan Niya ang mga Nephita og daghang mga butang. Siya midapit kanila sa paghinulsol ug sa pagsunod Kaniya.
Siya miingon sa katawhan nga dad-on kadtong masakiton ngadto Kaniya aron mamaayo. Gipanalanginan Niya sila.
Siya nagpanalangin usab sa tanang kabataan tagsa-tagsa. Ang mga anghel milibot sa kabataan.