Eksakto Gayod alang kang Zack

Ni Margo Mae ug Abby Larkins

(Gibase sa usa ka tinuod nga istorya)

Kini nga istorya nahitabo sa USA.

Si Zack ganahan nga modagan, molukso, ug magdula. Si Zack usab adunay sensory processing disorder.

Alang ni Zack, kana nagpasabot nga dili siya ganahan og saba nga mga tingog. Ug ganahan siya nga mobuhat og mao ra gihapon nga mga butang kada adlaw.

Matag hapon magdula siya sa mao ra gihapon nga dulaan nga eroplano.

Kada gabii magbasa siya og mao ra gihapon nga istorya sa oras tingkatulog.

Ug kada Dominggo molingkod siya sa mao ra gihapon nga lingkoranan atol sa Primary.

Usa ka adlaw sa simbahan, ang tanang bata nagpraktis alang sa programa sa Primary diha sa chapel. Kini lahi ra kaayo!

Si Zack dili ganahan kon ang mga butang malahi.

Gipabarog siya ni Mama sa atubangan nga laray aron siya adunay luna aron makalihok-lihok.

Ang iyang higala mibarog tupad niya ug mitabang niya nga mobati og mas maayo.

Gihatagan siya sa iyang titser og headphone aron mas hilom ang tanan. Apan nadismaya gihapon si Zack.

Dayon ang direktor sa musika ug ang pangulo sa Primary adunay ideya.

Ang espesyal nga buluhaton ni Zack insakto kaayo alang kaniya! Siya malipayon nga mabati ang gugma sa Langitnong Amahan.