Ngāue Fakataha

Fai ʻe Palesiteni Henry B. Eyring

Tokoni Ua ʻi he Kau Palesitenisī ʻUluakí

Toʻo mei he “Ke Taha Hotau Lotó,” Liahona, Nōvema 2008, 68–71.

ʻOku tau kehekehe kotoa pē. Ka kuo kole mai maʻu pē ʻe he kau palōfita ʻa e ʻEikí ke tau uouangataha. ʻI he taimi ʻoku mou uouangataha aí, ʻoku mou feʻofaʻaki mo ngāue fakataha.

Ko e founga ʻe taha ʻe lava ke tau uouangataha aí ko ʻetau lotu fakataha. Ne tuʻo taha ʻeku tūʻulutui he taimi mohé mo ha fāmili ne u ʻaʻahi ki ai. Naʻe fai ʻe he tamasiʻi siʻisiʻi tahá ʻa e lotú. Naʻá ne lotua ʻa e tokotaha kotoa pē ʻi he fāmilí, ʻaki honau hingoá.

Ko e founga ʻe taha ke fakatupulaki ai ʻa e uouangatahá ko e hoko ko ha tokotaha faʻa fakalelei. Ko e tokotaha faʻa fakaleleí ʻokú ne tokoniʻi ʻa e kakaí ke nau ʻilo ʻa e meʻa ʻoku nau faitatau aí. Naʻa mo hotau ngaahi faikehekehé ʻoku lava ke tokoni ia ke tau ako mo tupulaki ai.

Kapau te tau uouangataha pea muimui fakataha ʻi he Fakamoʻuí, te tau lava ʻo aʻusia ʻa e tuʻunga ʻoku finangalo ʻa e Tamai Hēvaní ke tau aʻusiá.

Pāsolo ʻo Sīsū Kalaisí

Naʻe akoʻi ʻe Palesiteni ʻAealingi te tau lava ʻo fai ha meʻa lahi ange ʻi he taimi ʻoku tau uouangataha aí! Kosi ʻi he laine motumotú pea ʻoange ha ʻū konga ki he mēmipa takitaha ʻo ho fāmilí. Hili iá pea ngāue fakataha leva mo e timí ke fakatauhoa ʻa e ngaahi lanú pea fokotuʻutuʻu fakataha ʻa e ʻū kongokongá.