Feʻunga Lelei Pē maʻa Sake

Fai ʻe Margo Mae mo Abby Larkins

(Makatuʻunga ʻi ha talanoa moʻoni)

Naʻe hoko ʻa e talanoa ko ʻení ʻi he ʻIunaiteti Siteiti ʻo ʻAmeliká.

ʻOku saiʻia ʻa Sake ke lele, puna, mo vaʻinga. ʻOku toe faingataʻa foki kia Sake ke ne ongoʻi ʻa e ngaahi ongo fakaesinó.

ʻOku ʻuhinga ia ʻoku ʻikai saiʻia ʻa Sake ʻi he longoaʻá. Pea ʻokú ne saiʻia ke fai e meʻa tatau he ʻaho kotoa pē.

ʻOkú ne vaʻinga ʻi he hoʻatā kotoa pē mo e meʻavaʻinga vakapuna tatau pē.

ʻOkú ne lau ʻi he pō kotoa pē ʻa e talanoa tatau pē ʻi he teu ke mohé.

Pea ʻokú ne tangutu ʻi he Sāpate kotoa pē ʻi he sea tatau pē lolotonga ʻa e Palaimelí.

ʻI ha ʻaho ʻe taha ʻi he lotú, naʻe fakaangaanga kotoa ʻa e fānaú ki he polokalama Palaimelí ʻi he falelotú. Naʻe kehe ʻaupito ʻeni ia!

ʻOku ʻikai saiʻia ʻa Sake ia he taimi ʻoku kehe ai e ngaahi meʻá.

Naʻe fekau ʻe Mami ke ne tuʻu ʻi he ʻotu muʻá koeʻuhí ke ne lava ʻo ngaungaue holo.

Naʻe tuʻu hono kaungāmeʻá ʻi hono tafaʻakí ke tokoni ke ne ongoʻi fiemālie.

Naʻe ʻoange ʻe heʻene faiakó ha meʻafanongo ke ne tui hono telingá ke kiʻi fakalongolongo ange ai e ʻātakaí. Ka naʻe kei taʻefiemālie pē ʻa Sake.

Naʻe maʻu leva ʻe he faihivá mo e palesiteni Palaimelí ha foʻi fakakaukau.

Naʻe feʻunga lelei pē ʻa e ngāue makehe ʻa Saké maʻana! Naʻá ne fiefia ke ongoʻi e ʻofa ʻa e Tamai Hēvaní.