Toʻo ʻa e 5

Founga ʻe 5 ke Fakahoko ai e Hisitōlia Fakafāmilí

Fai ʻe Charlotte Larcabal Speakman

1. Ako hoʻo ngaahi talanoa fakafāmilí. ʻOku mahuʻinga ha faʻahinga talanoa pē fekauʻaki mo e kau mēmipa ho fāmilí. Mahalo ko ha ngaahi talanoa ʻe niʻihi ʻoku fekauʻaki ia mo hoʻo ngaahi kuí, pea mahalo ko ha niʻihi ʻoku fekauʻaki ia mo koe! ʻOku ʻikai fiemaʻu ʻa e ngaahi talanoa fakafāmilí ia ke fekauʻaki mo ha ngaahi meʻa lalahi naʻe hoko. Ko ha niʻihi ʻo e ngaahi talanoa fakafāmili lelei tahá ʻoku fakafiefia ia.

2. Ako fekauʻaki mo e ngaahi fonua ʻoku omi mei ai hoʻo ngaahi kuí. Kapau ʻoku haʻu hoʻo ngaahi kuí mei ha fonua kehe, fekumi lahi ange fekauʻaki mo e fonua ko iá. Ko e hā ʻenau meʻakai aí? Ko e hā ha ngaahi tukufakaholo ʻi he fonua ko iá?

3. ʻEke ha ngaahi fehuʻi. ʻEke ki hoʻo ngaahi kuí, ongomātuʻá, mehikitangá, mo e faʻētangatá ha ngaahi fehuʻi fekauʻaki mo ʻenau moʻuí. Naʻe fanauʻi kinautolu ʻi fē? Naʻe fēfē ʻenau ʻenau kei īkí? Ko e hā ha manatu melie ʻoku nau saiʻia taha ai? Hiki ha fakamatala pe lekooti hoʻomou fepōtalanoaʻakí.

4. Tauhi ha tohinoa. Hiki hoʻo hisitōlia fakafāmili pē ʻaʻaú ʻi ha tohinoa! Te ke lava ʻo tohi fekauʻaki mo ho ʻahó, ko e meʻa ʻokú ke saiʻia aí, pe ko e meʻa ʻoku mahuʻinga kiate koé.

5. Kumi ha ngaahi hingoa foʻou. Te ke lava ʻo fakaʻaongaʻi e FamilySearch.org ke kumi ha ngaahi hingoa, hangē ko ia ne fai ʻe Haví. (Lau ʻene talanoá ʻi he peesi 36.) Kole ki ha tokotaha lahi ʻoku falalaʻangá ke tokoni atu pea sio angé pe ko hai te ke lava ʻo maʻú!

Tā fakatātā ʻa Sue Reeves