Ko e Fanga Sipi ʻa e Fakamoʻuí

ʻOku ui ʻa Sīsū Kalaisi ko e Tauhisipi Leleí. ʻOku tau hangē Haʻane fanga sipí. ʻOkú Ne tokangaʻi mo tataki kitautolu. Naʻe akoʻi ʻe Sīsū ʻi he Fuakava Foʻoú naʻe ʻi ai ʻEne “fanga sipi kehe” naʻa nau nofo ʻi ha feituʻu kehe he māmaní (Sione 10:16). Hili ʻEne toetuʻú, naʻá Ne ʻaʻahi ki ha niʻihi ʻo e kakai kehe ko iá ʻi he ongo ʻAmeliká. Naʻá Ne tāpuakiʻi kinautolu. Naʻá ne fakamoʻui mo akoʻi kinautolu. Naʻá Ne ʻofa ʻiate kinautolu ʻo hangē pē ko ʻEne ʻofa ʻi he kakai ʻi Selusalemá. ʻOku ʻi ai ha fanga sipi kehe ʻa Sīsū ʻi he funga kotoa ʻo e māmaní. ʻOkú Ne ʻofa ʻi he fānau kotoa ʻa e Tamai Hēvaní ʻo tatau ai pē pe ko e fē feituʻu ʻoku nau nofo aí. ʻOkú Ne ʻofa ʻiate koe!

Tukupā ʻi he Folofolá

Ko hai ʻa e maama ʻoku totonu ke tau hiki haké? (3 Nīfai 18:24)
Ko e kau Nīfai naʻe papitaisó, naʻe fakafonu kinautolu ʻaki ʻa e hā? (3 Nīfai 26:17)
Ko e hā e hingoa naʻe folofola ʻe Sīsū ki he kau ākongá ke ui ʻaki ʻa e Siasí? (3 Nīfai 27:5, 7)

Teu Lava ke Lau ʻa e Tohi ʻa Molomoná!

Hili hoʻo laú, valivali ha konga ʻo e fakatātaá. Te ke lava ʻo lau ʻa e ngaahi potufolofola ko ʻeni ʻoku fekauʻaki mo e laukonga ʻo e uike takitahá, mei he Haʻu, ʻo Muimui ʻIate Aú.

Uike 1: 3 Nīfai 15:9
Uike 2: 3 Nīfai 17:7–9
Uike 3: 3 Nīfai 20:5–8
Uike 4: 3 Nīfai 27:29