Lelei Ange ʻi he ʻAho Kotoa Pē

Fai ʻe Heber A., taʻu 8, Palaia, Keipi Veeti

ʻOku ou saiʻia ʻi he lau folofolá! ʻI he taimi naʻe langa ai e temipale foʻou ʻi Keipi Vētí, naʻá ku tokoni ki he ʻoupeni hausi ʻa e temipalé. Naʻá ku loto ke u mateuteu ke ʻaʻahi ki he temipalé, ko ia ne u lau ʻa e Tohi ʻa Molomoná peá u fakaʻosi tuʻo tolu ʻa e tohi fakatātā ʻo e Fuakava Motuʻá.

ʻI he taimi ní ʻoku ou kamata ke lau ʻa e Tokāteline mo e Ngaahi Fuakavá. ʻOku lahi ha ngaahi meʻa ai fekauʻaki mo e temipalé! Ka ko e ongo talanoa ʻoku ou saiʻia taha ai mei he folofolá ʻoku mei he Tohi ʻa Molomoná ia, fekauʻaki mo ʻĀmoni mo e ʻEikitau ko Molonaí. ʻOku ou fie hangē pē ko kinauá. Ko e lau folofolá ko e founga ia ʻoku ou muimui ai kia Sīsū Kalaisí.

ʻOku ou muimui foki kia Sīsū Kalaisi ʻaki ʻeku feinga ke aʻusia ʻeku ngaahi taumuʻá. Ko ʻeku ongo taumuʻa fakalaumālié ke mateuteu kei taimi ki he lotú pea mo lau ʻa e Tohi ʻa Molomoná. Ko ʻeku ongo taumuʻa fakatuʻasinó ke ako ʻa e kalaté mo e soká. Ko ʻeku ongo taumuʻa fakaʻatamaí ke lau ʻa e Tohi ʻa Molomoná mo ako ʻa e lea faka-Pilitāniá. Pea ko hono fakaʻosí, ko ʻeku taumuʻa fakasōsialé ke tokoni maʻu pē ki hoku ngaahi kaungāmeʻá. ʻOku tokoni ʻeku ngaahi taumuʻá ke u lelei ange he ʻaho kotoa pē!