Ko e Hā ʻa e ʻEnitaumeni?

ʻI hoʻo matuʻotuʻa angé, te ke lava ʻo hū ʻi he temipalé ki ha ouau makehe ʻoku ui ko e ʻenitaumení. Lolotonga ʻa e ʻenitaumení, ʻoku tau ako fekauʻaki mo e palani ʻa e ʻOtuá mo Sīsū Kalaisí, pea ʻoku tau palōmesi ke muimui ʻiate Kinaua. Ko e ʻilo ʻoku tau maʻú pea mo e ngaahi fuakava ʻoku tau fai lolotonga e ʻenitaumení ko ha ngaahi meʻaʻofa ia mei he ʻOtuá. Kuo palōmesi mai ʻa e kau palōfitá ʻe ʻomi ʻe he ʻenitaumení ha ʻamanaki lelei, fiemālie, mo ha nonga lahi ange kiate kitautolu.

Temipale Panama City Panama

Te ke lava ʻo mamata mei he temipale ko ʻení ki he Kanali Panamaá pea mo e ʻŌseni Pasifikí.
ʻOku tuʻu ia ʻi ha tafungofunga lanu mata ofi ki ha vaotā.
ʻI he taimi naʻe fakatapui aí, naʻe fakahoko ʻe ha toʻu tupu ʻe toko taha afe ha ngaahi tauʻolunga tukufakaholo ke fakafiefiaʻi.

Temipale Santo Domingo Dominican Republic

Ko e temipale ʻeni hono 99 ke fakatapuí.
ʻOku ʻi he kelekele ʻo e temipalé ha ʻulu paame mo ha ʻata fakaʻofoʻofa ʻo e Tahi Kalipiané.
Ko e fuofua temipale ʻeni ke langa ʻi he ʻOtu Kalipiané.