« ចម្លើយសម្រាប់អូលីវើរ » ដើម្បីកម្លាំងនៃយុវជន ខែ មករា ឆ្នាំ ២០២១ ទំព័រ ១២–១៣ ។
ចូរមកតាមខ្ញុំ
ចម្លើយសម្រាប់អូលីវើរ
អូលីវើរ ខៅឌើរី បានមកស្នាក់នៅផ្ទះរបស់យ៉ូសែប ស៊ីញ្ញ័រ និងលូស៊ី ម៉ាក ស្ម៊ីធ ខណៈគាត់បានបង្រៀននៅសាលារៀនមួយក្បែរកសិដ្ឋានរបស់ពួកគាត់ ។
អូលីវើរបានឮអំពីកូនប្រុសរបស់ពួកគាត់ យ៉ូសែប និងផ្ទាំងចំណារមាស ។ គាត់បានចង់ដឹងបន្ថែមទៀត ។
អូលីវើរបានចាប់អារម្មណ៍ចង់រៀនអំពីរបៀបដែលព្រះបានប្រទានអំណាចដល់យ៉ូសែប ដើម្បីបកប្រែផ្ទាំងចំណារមាស ។
ខ្ញុំចង់ជួយក្នុងការបកប្រែ ។
នៅពេលសាលារៀនចប់ ខ្ញុំនឹងទៅជួយយ៉ូសែប ។
អ្នកគួរតែអធិស្ឋាន ហើយសូមដល់ព្រះអម្ចាស់ថា តើការណ៍នោះត្រឹមត្រូវសម្រាប់អ្នកដែរឬទេ ។
នៅយប់នោះ អូលីវើរ បានអធិស្ឋាន ហើយទូលសួរព្រះអម្ចាស់ពីអ្វីដែលគាត់គួរតែធ្វើ ។
អូលីវើរ បានទទួលអារម្មណ៍សុខសាន្ត នៅពេលលោកបានអធិស្ឋានអំពីការជួយ យ៉ូសែប ធ្វើការបកប្រែ ។
មិនយូរប៉ុន្មាន អូលីវើរ បានរៀបចេញទៅជួបនឹងយ៉ូសែប ស្ម៊ីធ ។ គាត់បានធ្វើដំណើរជាមួយនឹងបងប្រុសរបស់ យ៉ូសែប ឈ្មោះ សាំយ៉ូអែល ។
យ៉ូសែប ខ្ញុំមកនេះដើម្បីជួយ ។ ខ្ញុំអាចធ្វើជាស្មៀនរបស់លោក ។
សូមអរគុណ ។ ខ្ញុំរីករាយនឹងជំនួយរបស់លោក ។
យ៉ូសែប និងអូលីវើរ ចាប់ផ្ដើមធ្វើការបកប្រែ ។ បទពិសោធន៍នេះបានធ្វើឲ្យ អូលីវើរ រំភើបចិត្ត ប៉ុន្ដែគាត់នៅតែមានសំណួរខ្លះៗ ។
ថ្ងៃមួយ យ៉ូសែប បានទទួលវិវរណៈសម្រាប់អូលីវើរ ដែលរំឭកគាត់អំពីចម្លើយចំពោះការអធិស្ឋានរបស់គាត់ ។
« ប្រាកដមែន យើងប្រាប់អ្នកជាប្រាកដថា បើសិនជាអ្នកមានបំណងចង់បានសាក្សីថែមទៀត ចូរដាក់គំនិតទៅលើយប់ដែលអ្នកបានអំពាវនាវដល់យើងនៅក្នុងដួងចិត្តរបស់អ្នក ដើម្បីឲ្យអ្នកអាចដឹងនូវសេចក្ដីពិតអំពីការណ៍ទាំងឡាយនេះ ។
« តើយើងពុំបាននិយាយដោយភាពសុខសាន្តដល់គំនិតរបស់អ្នកអំពីការណ៍នោះទេឬអី ? តើអ្នកអាចមានសាក្សីឯណាដែលអស្ចារ្យជាងសាក្សីមកពីព្រះ ? »១
ខ្ញុំបានអធិស្ឋានដើម្បីដឹងថា តើខ្ញុំគួរតែមកជួយលោកដែរឬទេ ហើយខ្ញុំបានមានអារម្មណ៍សុខសាន្ដ ។ គ្មាននរណាម្នាក់អាចដឹងពីការណ៍នេះឡើយ លើកលែងតែព្រះប៉ុណ្ណោះ ។
អូលីវើរ បានដឹងយ៉ាងប្រាកដថា កិច្ចការនេះគឺពិត ។ គាត់ និងយ៉ូសែប បានបញ្ចប់ការបកប្រែនោះ ដែលបានក្លាយជាព្រះគម្ពីរមរមន ។