« ការពារជំនឿរបស់ខ្ញុំ » ដើម្បីកម្លាំងនៃយុវជន ខែ មករា ឆ្នាំ ២០២១ ទំព័រ ២៧ ។
គ្រឹះដ៏មាំមួន
ការពារជំនឿរបស់ខ្ញុំ
រចនារូបភាពដោយ លូកា ឌី បាថូឡូមេអូ
នាយប់មួយ ខ្ញុំបានដើរលេងជាមួយនឹងមិត្តភក្ដិមួយក្រុម ។ យើងបាននិយាយគ្នា ហើយពួកគេបានចាប់ផ្ដើមនិយាយដើមមិត្តផ្សេងទៀតរបស់ខ្ញុំ ដែលមិនបាននៅទីនោះ ។ ខ្ញុំមានអារម្មណ៍រសាប់រសល់នឹងអ្វីដែលពួកគេកំពុងនិយាយនោះ ។ រួចហើយខ្ញុំបានទទួលការបំផុសគំនិតមកពីព្រះវិញ្ញាណថា ខ្ញុំគួរតែក្រោកឈរឡើងសម្រាប់អ្វីដែលខ្ញុំជឿ ។
ដោយគ្មានការស្ទាក់ស្ទើរតទៅទៀត នោះខ្ញុំបានប្រាប់ពួកគេថា ខ្ញុំមិនមានអារម្មណ៍ល្អនឹងអ្វីដែលពួកគេកំពុងនិយាយនោះទេ ហើយសូមកុំឲ្យពួកគេនិយាយដើមគេដូច្នេះ នៅពេលខ្ញុំនៅជាមួយទៀត ។ ពួកគេបាននិយាយថា វាគ្រាន់តែជាផ្នែកមួយនៃជីវិត ហើយវាមិនមានបញ្ហានោះទេ ។ ដោយមិនអន់ចិត្តនឹងចម្លើយពួកគេ ខ្ញុំបានស្ដាប់យោបល់របស់ពួកគេ រួចហើយខ្ញុំបានពន្យល់ពីអ្វីដែលខ្ញុំជឿ ។ រួចហើយខ្ញុំបានក្រោកឡើង ហើយដើរចេញទៅ ។
បទពិសោធន៍របស់ខ្ញុំនាយប់នោះ បានធ្វើឲ្យខ្ញុំគិតអំពីអ្វីដែលយ៉ូសែប ស៊្មីធបានឆ្លងកាត់ ។ នៅពេលយ៉ូសែប ស៊្មីធ បានស្ដារផ្ទាំងចំណារមាសមកវិញ នោះលោកបានជួបនឹងការបៀតបៀនយ៉ាងច្រើន ។ មិនថាមានការបៀតបៀនយ៉ាងណានោះទេ យ៉ូសែប ស៊្មីធនៅតែការពារជំនឿរបស់លោកយ៉ាងក្លាហានដោយមិនស្ទាក់ស្ទើរឡើយ ។ ព្រះបានគង់នៅជាមួយនឹង យ៉ូសែប ស៊្មីធ ហើយបានជួយលោក ហើយខ្ញុំបានដឹងថា ព្រះបានគង់នៅជាមួយនឹងខ្ញុំផងដែរ ពេលខ្ញុំបានការពារអ្វីដែលត្រឹមត្រូវ ។
ខ្ញុំបានបាត់បង់មិត្តភក្ដិពីរបីនាក់នាយប់នោះ ដោយសារការការពារជំនឿរបស់ខ្ញុំ ហើយខ្ញុំសោកស្ដាយដែលបាត់បង់ពួកគេ ។ ប៉ុន្ដែខ្ញុំមានអារម្មណ៍សុខសាន្ដ និងលួងលោមសម្រាប់ការធ្វើអ្វីដែលត្រឹមត្រូវ ។ បន្ដិចក្រោយមក មិត្តរបស់ខ្ញុំម្នាក់បានអរគុណខ្ញុំចំពោះអ្វីដែលខ្ញុំបាននិយាយ ។ ដោយសារតែការណ៍នោះ ខ្ញុំទទួលបានមិត្តភាពមួយមកវិញ ដែលរឹងមាំជាងមុនទៅទៀត ។
អេនឌ្រូ អេហ្វ រដ្ឋយូថាហ៍ ស.រ.អា