« គេប្រាប់ខ្ញុំថា វាឈ្លើយពេលនិយាយថា យើងគឺជាសាសនាចក្រដ៏ពិតតែមួយគត់ ។ តើខ្ញុំគួរតែប្រាប់ពួកគេអ្វីខ្លះ ?ដើម្បីកម្លាំងនៃយុវជន ខែ មករា ឆ្នាំ ២០២១ ទំព័រ ៣១ ។
ចំទៅនឹងគោលដៅ
គេប្រាប់ខ្ញុំថា វាឈ្លើយពេលនិយាយថា យើងគឺជាសាសនាចក្រដ៏ពិតតែមួយគត់ ។ តើខ្ញុំគួរតែប្រាប់ពួកគេអ្វីខ្លះ ?
ព្រះអម្ចាស់ផ្ទាល់បានមានបន្ទូលទៅកាន់យ៉ូសែប ស៊្មីធ ថាសាសនាចក្រនេះគឺជា « សាសនាចក្រតែមួយ ដែលពិត ហើយសកម្មនៅលើផ្ទៃផែនដីទាំងមូល ដែលយើងជាព្រះអម្ចាស់សព្វព្រះហឫទ័យណាស់ ដោយនិយាយដល់សាសនាចក្រទាំងស្រុង ហើយមិនមែននីមួយៗទេ » ( គោលលទ្ធិ និង សេចក្តីសញ្ញា ១:៣០ ) ។
សេចក្ដីថ្លែងការណ៍នេះប្រាកដជាមិនមានន័យថា យើងប្រសើរជាងអ្នកផ្សេងនោះទេ ។ ប៉ុន្តែវាពិតជាមានន័យថា នេះគឺជាសាសនាចក្ររបស់ព្រះយេស៊ូវគ្រីស្ទ ។ ទ្រង់ដឹកនាំសាសនាចក្រនេះ ទ្រង់បានស្ដារវាឡើងវិញ ហើយទ្រង់បានប្រគល់សិទ្ធិអំណាចរបស់ទ្រង់ដល់សាសនាចក្រនេះ ។ ដោយសារតែការណ៍នេះ មានរឿងមួយចំនួនដែលមានតែសាសនាចក្រនេះអាចផ្ដល់ឲ្យបាន ដូចជាពួកព្យាការី និងពួកសាវក ពិធីបរិសុទ្ធ និងសេចក្ដីសញ្ញាក្នុងព្រះវិហារបរិសុទ្ធ និងព្រះគម្ពីរមរមន ។ យើងមានអំណរគុណចំពោះការណ៍ទាំងនេះ ហើយយើងចង់ចែកចាយវាជាមួយនឹងមនុស្សដទៃ ដោយចេញពីសេចក្ដីស្រឡាញ់ដ៏ស្មោះត្រង់—មិនមែនដោយសារយើងចង់ធ្វើជាអ្នក « ត្រូវ » ឬ « ពង្រីកសាសនាចក្រ » នោះទេ ។
ខណៈយើងអាចថ្លែងទីបន្ទាល់ដោយមុតមាំ និងដោយទំនុកចិត្តអំពីសាសនាចក្រនេះ នោះយើងមិនគួរឈ្លើយដាក់មនុស្សដទៃ ឬមិនគោរពជំនឿរបស់ពួកគេនោះទេ ។ ព្យាការី យ៉ូសែប ស៊្មីធ ធ្លាប់បានពោលថា « យើងមិនសូមឲ្យមនុស្សណាម្នាក់បោះបង់សេចក្ដីល្អណាមួយដែលពួកគេមាននោះទេ យើងគ្រាន់តែសូមឲ្យពួកគេមក ហើយទទួលបានបន្ថែមទៀតប៉ុណ្ណោះ » ( Teachings of Presidents of the Church: Joseph Smith [ ឆ្នាំ ២០០៧ ] ទំព័រ ១៥៥ ) ។