« សួស្ដី » ដើម្បីកម្លាំងនៃយុវជន ខែ មករា ឆ្នាំ ២០២១ នៅខាងក្នុងក្របមុខ ។
សួស្ដី
សូមជួបនឹងទស្សនាវដ្ដីថ្មីរបស់ប្អូនៗ ។
ដើម្បីកម្លាំងនៃយុវវ័យ គឺជាទស្សនាវដ្ដីរបស់ប្អូនៗ ដែលបានបង្កើតឡើងជាពិសេសសម្រាប់យុវវ័យ ។
នៅក្នុងច្បាប់ចេញផ្សាយនីមួយៗ ប្អូនៗនឹងរកឃើញអ្វីមួយពិសេស ។ យើងនឹងមានសារលិខិតដែលលើកស្ទួយខាងវិញ្ញាណមកពីពួកសាវក និងថ្នាក់ដឹកនាំដទៃទៀត ទីបន្ទាល់ និងបទពិសោធន៍មកពីយុវវ័យ សកម្មភាពសប្បាយៗ និងអ្វីជាច្រើនទៀត ។
នៅក្នុងផ្នែកនេះ យើងនឹងបង្ហាញយុវវ័យមកពីទូទាំងពិភពលោក ដែលតំណាលអំពីអ្វីដែលពួកគេចូលចិត្តធ្វើ និងប្រាប់អំពីជីវិតរបស់ពួកគេបន្ដិចបន្តួច ។ យើងចង់ចែកចាយដំណើររឿងរបស់ប្អូនៗផងដែរ ! សូមផ្ញើសារមួយមកកាន់យើងអំពីចំណង់ចំណូលចិត្តរបស់ប្អូនៗ បទគម្ពីរចំណូលចិត្ត ប្រាប់បន្ដិចអំពីគ្រួសាររបស់ប្អូន និងបទពិសោធន៍សង្ខេបមួយដែលប្អូនៗមានអារម្មណ៍ថា ព្រះអម្ចាស់បានជួយប្អូន ។ សូមអ៊ីម៉ែលមកកាន់យើងតាមរយៈ ftsoy@ChurchofJesusChrist.org ។