« ស្ដាប់ដោយបំណងចិត្ត ប្រុងស្ដាប់ ហើយផ្ទៀងស្ដាប់ » ដើម្បីកម្លាំងនៃយុវជន ខែ មករា ឆ្នាំ ២០២១ ទំព័រ ៣២ ។
ពាក្យចុងក្រោយ
ស្ដាប់ដោយបំណងចិត្ត ប្រុងស្ដាប់ ហើយផ្ទៀងស្ដាប់
ពាក្យដំបូងបំផុតនៅក្នុងគោលលទ្ធិ និង សេចក្ដីសញ្ញាគឺ ប្រុងស្ដាប់ ( សូមមើល គោលលទ្ធិ និង សេចក្ដីសញ្ញា ១:១ ) ។ វាមានន័យថា « ស្ដាប់ដោយបំណងចិត្តគោរពតាម » ។ ដើម្បីប្រុងស្ដាប់មានន័យថា « ស្ដាប់ទ្រង់ » — ដើម្បី ឮនូវអ្វីដែលព្រះអង្គសង្គ្រោះមានបន្ទូល បន្ទាប់មក ផ្ទៀងស្ដាប់ដំបូន្មានរបស់ទ្រង់ ។ នៅក្នុងពាក្យទាំងពីរម៉ាត់នេះ— « ស្ដាប់ទ្រង់ » — ព្រះប្រទានលំនាំសម្រាប់ជោគជ័យ សុភមង្គល និងអំណរនៅក្នុងជីវិតនេះ ។ យើងត្រូវ ស្ដាប់ ព្រះបន្ទូលរបស់ព្រះអម្ចាស់ ប្រុងស្ដាប់ ព្រះបន្ទូលទាំងនោះ ហើយ ផ្ទៀងស្ដាប់ អ្វីដែលទ្រង់បានប្រាប់ដល់យើង !
តើយើងអាចទៅស្ដាប់ទ្រង់នៅទីណា ?
យើងអាចចូលទៅកាន់បទគម្ពីរទាំងឡាយ ។ យើងក៏អាច ស្ដាប់ទ្រង់នៅក្នុងព្រះវិហារបរិសុទ្ធ ។ យើងក៏ ស្ដាប់ទ្រង់កាន់តែច្បាស់ផងដែរ នៅពេលយើងដុសខាត់សមត្ថភាពរបស់យើងដើម្បីស្គាល់ការខ្សឹបប្រាប់នៃព្រះវិញ្ញាណបរិសុទ្ធ ។ ហើយទីបំផុត យើងស្ដាប់ទ្រង់ នៅពេលយើងផ្ទៀងស្ដាប់ពាក្យសម្ដី របស់ពួកព្យាការី អ្នកមើលឆុត និងអ្នកទទួលវិវរណៈ ។
តើអ្វីនឹងកើតឡើង នៅពេលប្អូនៗកាន់តែស្ដាប់ដោយបំណងចិត្ត ប្រុងស្ដាប់ ហើយផ្ទៀងស្ដាប់អ្វីដែលព្រះអង្គសង្គ្រោះបានមានបន្ទូល និងអ្វីដែលទ្រង់កំពុងមានបន្ទូលឥឡូវនេះតាមរយៈពួកព្យាការីរបស់ទ្រង់ ? ខ្ញុំសូមសន្យាថា ប្អូនៗនឹងប្រទានពរនូវអំណាចបន្ថែមទៀតដើម្បីប្រឈមនឹងការល្បួង បញ្ហា និងភាពទន់ខ្សោយ ។ ខ្ញុំសន្យាថាមាន អព្ភូតហេតុជាច្រើននៅក្នុងទំនាក់ទំនងគ្រួសារ និងកិច្ចការប្រចាំថ្ងៃរបស់ប្អូនៗ ។ ហើយខ្ញុំសន្យាថា សមត្ថភាពរបស់ប្អូនៗដើម្បីដឹងអំពីអំណរនឹងចម្រើនឡើង ទោះជាមានការវឹកវរខ្លាំងនៅក្នុងជីវិតរបស់ប្អូនៗក្ដី ។