“ʻOku Moʻoni ʻa e Ngaahi Lea ʻa e Palōfitá,” Ki Hono Fakamālohia ‘o e Toʻu Tupú, Sune 2021, 24–25.
Haʻu, ʻo Muimui ʻIate Au
ʻOku Moʻoni ʻa e Ngaahi Lea ʻa e Palōfitá
ʻI he faʻahitaʻu fakatōlau ʻo e 1831, naʻe maʻu ai ʻe he Palōfita ko Siosefa Sāmitá ha ngaahi fakahā ne laka hake ʻi he 60. Ka ko e niʻihi siʻi pē ʻo ʻene ngaahi fakahaá naʻe lava ke laú. Naʻe ʻikai ke lava ke maʻu ʻe ha kakai tokolahi.
Naʻe ʻiloʻi ʻe Siosefa ʻe hanga ʻe he ngaahi fakahaá ʻo fakamālohia ʻa e kāingalotú mo tokoniʻi ʻa e kau faifekaú ke malanga ʻaki ʻa e ongoongoleleí.
ʻI ha fakataha alēlea ʻa e kaumātuʻá, naʻa nau aleaʻi ke paaki ʻa e ngaahi fakahā ʻa Siosefá ke lahi hono maʻu kinautolú.
“‘E ngaahi tokoua, ʻoku totonu ke paaki ʻa e ngaahi fakahaá kae lava ke ma‘u ʻe hotau kakaí ‘a e folofola ʻa e ‘Eikí.”
Naʻe laulau houa hono tālangaʻi ʻe he kaumātuʻá, ka naʻe iku ʻo nau loto ke pulusi ha ngaahi tatau ʻe 10,000.
Naʻe fiemaʻu ʻe Siosefa ʻa e kaumātuʻá ke nau fakamoʻoniʻi ko e ngaahi fakahā ko ia ʻoku nau pulusí ko e haʻu mei he ʻOtuá.
“Te ke fakamoʻoni?”
Ko e niʻihi ʻiate kinautolu ne nau fakakaukau pe ko e haʻu moʻoni nai ʻa e ngaahi fakahaá mei he ʻOtuá.
“Sai …”
“ʻOku ou loto ki ai, Siosefa, ka …”
Naʻe toe maʻu ʻe Siosefa ha fakahā ʻe taha.
Fili ʻa e poto taha ʻiate kimoutolú ke ne hiki ha fakahā. Kapau ʻe lelei hangē ko e meʻa naʻe tohi ʻe Siosefá, te ke toki lava leva ʻo pehē ʻoku ʻikai ke moʻoni haʻaná. Ka ʻo kapau he ʻikai te ke lava, ʻe fakahalaiaʻi koe kapau he ʻikai te ke fakamoʻoni ʻoku nau moʻoni.
Na‘e feinga ʻa Uiliami MekiKelēlini ke hiki ha fakahā ʻe taha.
Naʻa nau ʻilo kotoa ko e meʻa naʻe hiki ʻe Uiliamí naʻe ʻikai mei he ʻEikí ia.
Naʻe fakamoʻoni hingoa ha kau tangata tokolahi ʻi ha fakamoʻoni, ko e ngaahi fakahā kuo ʻoange ki he Palōfitá ko e ueʻi fakalaumālie ia mei he ʻOtuá.