Kiʻi Taimi Fiefiá

Fakaʻilonga Fekumi

Naʻe fakahū mai ʻe Sione P., taʻu 13, ʻIutā, USA

Taimi pāsolo! Ko e taumuʻa ʻo e kiʻi vaʻingá ni ke ke fakafonu ʻa e tapafā takitaha ʻaki ʻa e fakaʻilonga pē ʻe taha. Fili ha fakaʻilonga ʻe taha mei he niʻihi ʻoku ʻi he kōlomu mo e ʻotu ʻi tuʻa ʻokú na tataú. Fakaʻaongaʻi ʻa e ngaahi fakaʻilonga ko iá ke fakafonu ʻaki ʻa e ngaahi puha ʻi lotó.

Ngaahi Laó:

• Fakafonu ʻa e foʻi tapafā takitaha ʻaki ʻa e fakaʻilonga ʻe taha.

• ʻE maʻu ʻe he tapafā takitaha ha fakaʻilonga pē ʻe taha mei he kōlomu pe ʻotu ʻokú na fetaulakí.

• Kapau ʻoku ngalingali ʻe lava ʻe ha fakaʻilonga lahi hake he tahá ʻi ha foʻi tapafā, fakaʻaongaʻi ʻa e taha kuo teʻeki ke fakaʻaongaʻi ʻi he ʻotu pe kōlomu ko iá.

• ʻE lava ʻo toutou fakaʻaongaʻi ha fakaʻilonga ʻe taha ʻi ha ʻotu pe kōlomu.

  Hangē ko ʻení, ko e tapafā ʻoku fetaulaki ai ʻa e ʻotu M mo e kōlomu F kuo pau ke ʻi ai ha fakaʻilonga mei he ngaahi puha ʻi tuʻá ʻo e ʻotu M mo e kōlomu F. Fakatokangaʻi ange: koeʻuhí ʻoku faitatau ʻena fakaʻilonga pē ʻe taha, kuo pau ke hū ia ʻi he tapafā ko iá.

• Sio ki he ngaahi tapafā ʻoku fakafehokotaki ‘aki ha foʻi ngahau ʻoku fakahihifí! Kuo pau ke faitatau ʻa e ngaahi fakaʻilonga ko ʻeni ʻi he tapafaá mo e ngaahi fakaʻilonga ko ia ʻi he tuliki ʻi tuʻá.

Ko ha Talanoa Faʻu ʻo ha Tupuʻa Tenga‘i ʻAkau

Tokua naʻe ʻi ai ha pīsope naʻe fetaulaki mo ha kau tangata ʻe toko tolu: ko Brother A, Brother E, mo Brother F. ʻI he ngaahi māhina lahi kimuʻá, naʻá ne ʻoange kiate kinautolu takitaha ha tengaʻi ʻakau. Naʻá ne kole ange kiate kinautolu ke nau tō ia pea tokangaʻi ke nau sio pe ko hai ʻe tupu lelei taha ʻene fuʻu ʻakaú. ʻE maʻu ʻe he tokotaha ʻe ikuná ha pale. Ko e ʻaho ʻeni ke vakaiʻi ai ʻenau ngaahi fuʻu ʻakaú.

Naʻe fakaʻaliʻali ange ʻe Brother A mo Brother E kiate ia ʻena ngaahi fuʻu ʻakaú kuo tutupu ʻafaʻafa mo matala. Naʻe fakaʻaliʻali ange ʻe Brother F ha poulu ʻoku fonu kelekele pea ʻikai ha toe meʻa kehe ʻi ai, mo ne talaange naʻe ʻikai te ne lava ʻo ʻai ke tupu. Naʻe fakahā ange ʻe he pīsopé kia Brother A mo Brother E naʻá ne loto-mamahi ʻiate kinaua. Naʻá ne talaange kia Brother F ko ia naʻá ne ikuná pea ʻe vahe ange ha ngāue mahuʻinga ke ne fakahoko. Ko e hā nai naʻe peheni ai ʻa e pīsopé?

Fanga Kiʻi Talanoa Fakakatá

Tēvita! Ko e ʻaho Tokonaki eni! ʻOku toki fai e lotú ʻapongipongi!

ʻOku ou ʻiloʻi! ʻOku ou fie maʻu ke fakakaukauʻi ʻa e hēkesi ko ʻení ki he taimi ko iá!

Ryan Stoker

Ko e hā naʻá ke ʻomi ai ʻa e meʻa ko iá maʻaná?!

Val Chadwick Bagley

Ngaahi Talí

Kumi ‘o e Fakaʻilongá: (Vakai, fakatātaá.)

Ko ha Talanoa Faʻu ʻo ha Tupuʻa Tengaʻi ʻAkau: Naʻá ne ʻoange kiate kinautolu ha ngaahi tengaʻi ʻakau naʻá ne ʻosi taʻo pea kuo nau mate pea ʻe ʻikai ke nau tupu. Ko ha siviʻi ‘o ʻenau faitotonú.