“I-konektar,” Alang sa Kalig-on sa mga Kabatan-onan, Hulyo 2021, sulod nga atubangan nga hapin.
I-konektar
Orin S.
17, British Columbia, Canada
Litrato pinaagi ni Christina Smith
Ang akong pamilya mibiyahe nga naglayag ug wala makakita og yuta sobra sa tulo ka semana. Human sa unang duha ka semana, naigo kami og kusog kaayo nga unos. Ang among mga layag nabali tungod sa hangin, ug ang mga balod mihampak sa salog, nga hingpit nga mipaunlod sa atubangan sa sakayan. Dugang pa niana, hapit na kami mahutdi og mainom nga tubig—mao nga kon kami makasugakod man sa unos, aduna pa gihapon kami angay nga kabalak-an.
Ang akong pamilya naghuot didto sa bugtong uga nga bahin sa sakayan ug nag-ampo og hapit sa usa ka oras. Wala ko masayod kon kami makasugakod ba nianang gabhiona, apan nasayod ko nga, bisan unsa pa ang mahitabo, makauban nako ang akong pamilya tungod kay kami nasilyo sa usag usa.
Sa dihang nahuman na kami sa pag-ampo, nakakita kami nga ang hangin mikalma ug ang mga balod mihunong. Sa wala madugay, misugod sa pagbunok ang ulan, nga labihan ka talagsaon niana nga bahin sa dagat. Gigamit namo ang usa ka trapal sa pagpuno sa among mga tangke ug milagrosong nakakuha og igong tubig aron mahuman ang biyahe.
Kana nga kasinatian nagpakita kanako kon unsa ka gamhanan ang pag-ampo ug unsa ka dako ang pagpakabana sa Langitnong Amahan kanato. Kon maghandom ko niana nga unos, nasayod ako nga ang ebanghelyo tinuod.