“Ang Panan-awon,” Alang sa Kalig-on sa mga Kabatan-onan, Hulyo 2021, 16–17.
Dali, Sunod Kanako
Ang Panan-awon
Human sa paghubad sa Basahon ni Mormon, ang Ginoo misugo ni Joseph sa pag-usab sa Biblia.
Samtang siya nagbasa sa Biblia, si Joseph gidasig sa Ginoo sa paghimo og mga kausaban.
Mihangyo si Joseph og mga tigsulat sa pagtabang kaniya.
Ang buhat nalangay sa dihang ang Ginoo misugo sa mga Santos sa pagbalhin ngadto sa Ohio.
Human sa pagbalhin ngadto sa Ohio, si Joseph misugod na usab sa iyang mga rebisyon uban ni Sidney Rigdon ang nagtabang isip tigsulat.
“Kita kinahanglan mopadayon sa atong buhat sa Biblia.”
Niadtong Pebrero 16, 1832, si Joseph ug Sidney miusab sa basahon ni Juan diha sa Bag-ong Tugon.
“… sila kinsa nagbuhat og maayo, sa pagkabanhaw sa makiangayon; ug sila kinsa nagbuhat og dautan, sa pagkabanhaw sa dili makiangayon.”
“Unsa ang gipasabot niini?”
Usa ka talagsaon nga panan-awon mibukas ngadto kanila.
Sila nakakita ni Jesukristo ug sa Langitnong Amahan.
Nakat-unan usab nila nga adunay tulo ka gingharian sa langit.
Gipakita kanila nga kadtong kinsa makapanunod sa celestial nga gingharian mao ang mabanhaw og una.
“Kini mao sila kinsa … nahimo nga hingpit pinaagi ni Jesus.”
Sa dihang nahuman ang panan-awon, nahingangha sila. Gikapoy na si Sidney.
“Si Sidney wala maanad niini sama nako.”