ចំណតសប្បាយៗ

« ចំណតសប្បាយៗ » ដើម្បីកម្លាំងនៃយុវជន ខែ កក្កដា ឆ្នាំ ២០២១ ទំព័រ ២៨–២៩ ។

ចំណត សប្បាយៗ

ពេលជប់លៀង រកផ្លូវខ្វាត់ខ្វែង

បងប្អូនទាំងបីនាក់នេះ ម្នាក់ៗត្រូវធ្វើដំណើរឆ្លងកាត់ទីក្រុងនេះ ដើម្បីចែកសំបុត្រអញ្ជើញសម្រាប់ពិធីខួបកំណើត ៩០ ឆ្នាំ របស់ជីដូនពួកគេ ។ តើបងប្អូនអាចជួយពួកគេឲ្យរកផ្លូវបី ដើម្បីឆ្លងកាត់ផ្លូវខ្វាត់ខ្វែងដែលនាំទៅដល់គ្រប់ផ្ទះ ដែលមានដំបូលពណ៌ក្រហមបានដែរឬទេ ប៉ុន្តែបងប្អូនពីរនាក់ផ្សេងទៀតមិនត្រូវដើរតាមផ្លូវដូចគ្នានេះទេ ?

សំណួរ អំពីប្រធានណិលសុន

ចាំមើលថា តើបងប្អូនធ្វើបានល្អប៉ុណ្ណា នៅក្នុងសំំណួរត្រូវ ឬខុសនេះអំពីប្រធាន រ័សុល អិម ណិលសុន ។

ត្រូវ ឬ ខុស ?

ដើម្បីជួយដល់ឪពុកម្ដាយលោក ដែលមិនមែនជាសមាជិកសកម្មនៃសាសនាចក្រ ឲ្យរស់នៅតាមពាក្យសម្ដីនៃប្រាជ្ញាវាងវៃ នោះលោកបានបោកដបស្រាទាំងអស់របស់ឪពុកម្ដាយលោកចោល និងបានចាក់ស្រាចោល ។
លោកជាវេជ្ជបណ្ឌិតវះកាត់ខួរក្បាល ។
លោកបានជួយបង្កើតម៉ាស៊ីនបេះដូង-សួត ។
ប្រធាន ណិលសុន បានធ្វើការវះកាត់បេះដូងចំហរដំបូងគេបំផុតនៅក្នុងរដ្ឋយូថាហ៍ ។
លោកមានកូនប្រុសប្រាំបួននាក់ និងកូនស្រីម្នាក់ ។
លោកមានសំឡេងយ៉ាងឥតខ្ចោះ ។
លោកបានធ្វើការវះកាត់បេះដូងជូនដល់អែលឌើរ ស្ពែនស៊ើរ ដបុលយូ ឃឹមបឹល ដែលក្រោយមកបានក្លាយជាប្រធាននៃសាសនាចក្រ ។
មានម្ដងនោះ លោកស្ទើរតែលង់ទឹកនៅក្នុងការធ្វើដំណើរមួយតាមក្បូនជាក្រុមគ្រួសារ ។
លោកតែងតែចង់រៀនពីរបៀបជិះស្គីទឹកកក ប៉ុន្តែមិនដែលមានពេលរៀនទេ ។
ដោយសារតែការផ្ទុះសង្គ្រាមឡើង នោះប្រធាន ណិលសុន មិនបានបម្រើបេសកកម្មពេញម៉ោងនោះទេ ។

រឿងកំប្លែង

ងងឹតខ្លាំងមើលឃើញតែភ្នែកប៉ុណ្ណោះ — ខ្ញុំនៅតែនិយាយថា វាព្រលឹមពេកហើយដើម្បីសិក្សាព្រះគម្ពីរជាក្រុមគ្រួសារនោះ !

បុរសស្លៀកពាក់ខោអាវគេងត្រូវគ្របដណ្ដប់ដោយវាំងនន និងរបស់របរក្នុងផ្ទះ ស្ត្រីនៅលើគ្រែកំពុងបើកភ្លើង — ខ្ញុំគិតថា មានការរញ្ជួយដីមួយ ឬមានសត្វខ្លាឃ្មុំចូលមកក្នុងផ្ទះ ឬអ្វីមួយទេតើ ! ហេតុអ្វីប៉ាវាឯងមិនបើកភ្លើង ?

បងមិនចង់ដាស់ឲ្យនរណាភ្ញាក់ទេ ។

ចម្លើយ

សំណួរអំពីប្រធាន ណិលសុន ១ ។ ត្រូវ ។ ២. ខុស—លោកជាវេជ្ជបណ្ឌិតវះកាត់បេះដូង ។ ៣. ត្រូវ ។ ៤. ត្រូវ ។ ៥. ខុស—លោកមានកូនស្រីប្រាំបួនអ្នក និងកូនប្រុសម្នាក់ ! ៦. ត្រូវ ។ ៧. ត្រូវ ។ ៨. ត្រូវ ។ ៩. ខុស—លោកជាអ្នកជិះស្គីទឹកកកដ៏សកម្មក្នុងមួយជីវិតលោក ។ ១០. ត្រូវ