« តើនគរសេឡេស្ទាលមានលក្ខណៈបែបណា ? » ដើម្បីកម្លាំងនៃយុវជន ខែ កក្កដា ឆ្នាំ ២០២១ ទំព័រ ៣១ ។
ចំទៅនឹងគោលដៅ
តើនគរសេឡេស្ទាលមានលក្ខណៈបែបណា ?
សិរីល្អតាមកម្រិត ដោយ អានី ហែនរី
ទោះបីជាយើងអាចនឹងមិនមានព័ត៌មានលម្អិតទាំងអស់ អំពីនគរសេឡេស្ទាលក្ដី ក៏ព្រះអម្ចាស់បានបើកបង្ហាញសេចក្ដីពិតដ៏មានអានុភាពមួយចំនួនអំពីវាផងដែរ ។ នេះគឺចំណុចមួយចំនួនដែលយើងដឹង ៖
-
ដើម្បីរស់នៅទីនោះ មានន័យថា រស់នៅក្នុងវត្តមាននៃព្រះវរបិតាសួគ៌ និងព្រះយេស៊ូវគ្រីស្ទ ជាមួយនឹងរូបកាយដែលបានរស់ឡើងវិញយ៉ាងល្អឥតខ្ចោះ និងរស់នៅក្នុងជីវិតដែលពួកទ្រង់មាន ។ ជីវិតនេះគឺជា « ស្ថានភាពសុភមង្គលដ៏មិនចេះចប់មិនចេះហើយ » ( ម៉ូសាយ ២:៤១ ) និង « សេចក្ដីអំណរដ៏ពោរពេញ » ( នីហ្វៃទី៣ ២៨:១០ ) ។
-
អស់អ្នកដែលរស់នៅទីនោះត្រូវបាន « ធ្វើឲ្យល្អឥតខ្ចោះតាមរយៈព្រះយេស៊ូវ » និង « គ្រប់ទាំងអស់ជារបស់ផងពួកគេ » ( គោលលទ្ធិ និង សេចក្ដីសញ្ញា ៧៦:៥៩, ៦៩ ) ។
-
វាមានសិរីល្អដ៏អស្ចារ្យបំផុតជាងនគរណាៗទាំងអស់ ។ សិរីល្អរបស់វាត្រូវបានប្រដូចទៅនឹងពន្លឺនៃព្រះអាទិត្យ ។
-
ប្រភេទនៃចំណងទាក់ទងដូចគ្នានោះ ដែលយើងមាននៅទីនេះ នឹងមាននៅទីនោះដែរ រួមទាំងចំណងទាក់ទងក្រុមគ្រួសារ ប៉ុន្តែចំណងទាក់ទងទាំងនោះនឹង « រួបរួមដោយសិរីល្អដ៏នៅអស់កល្បជានិច្ច » (គោលលទ្ធិ និង សេចក្ដីសញ្ញា ១៣០:២) ។
-
វាមានបីកម្រិត ។ កម្រិតខ្ពស់ជាងគេ គឺជាកន្លែងកាលដែលមនុស្សនៅមានជីវិតបានផ្សារភ្ជាប់ជាមួយគ្នាក្នុងអាពាហ៍ពិពាហ៍ដ៏អស់កល្បមួយ ហើយស្មោះត្រង់ចំពោះសេចក្ដីសញ្ញារបស់ពួកគេ ( សូមមើល គោលលទ្ធិ និង សេចក្ដីសញ្ញា ១៣១:១–៤ ) ។
-
ផែនដីនេះនឹងទទួលនូវសិរីល្អនៃសេឡេស្ទាល ( សូមមើល គោលលទ្ធិ និងសេចក្ដីសញ្ញា ៨៨:១៧–២០ ) ។