“Konek,” Blong Ol Yut Oli Kam Strong Jan 2022, insaed kova long fored.
Konek
Viviena K.
17 yia, Tonga
Taem mi stap long Praemeri finis, mi bin wantem kam wan misinari. Be, taem mi kasem twelef yia, mi slakem tingting blong mi. Blong mi bigwan inaf blong go long wan misin, i luk se i wan longfala taem blong wet, long mi. Mi wari se bae mi foldaon long temtesen. Mi ting se, i oraet nomo sapos mi gohed blong laef nomo olsem we mi wantem, mo mi no wari blong stap rere.
Be, taem mi tokbaot hemia wetem papa mo mama blong mi, long saed blong go long wan misin, tufala i leftemap tingting blong mi. Tufala i talem long mi se, oltaem bae Setan i traem blong temtem mi taem bae mi mekem wan gud samting blong Papa blong mi long Heven. Mi bin prea blong Hem i soem rod long mi, mo mi bin filim se Papa long Heven i talem bakegen long mi se bambae Hem i stap wetem mi evri dei.
Iven we mi bin go tru long ol temtesen mo ol tes, fet blong mi i strong i stap. Mi save se sapos mi stap rere naoia, tru long Jisas Kraes, bae mi save kam misinari ia we oltaem mi wantem blong kam olsem. Maet bae hem i had, be mi mi save se God bambae i stap wetem mi long evri samting we mi mekem.