“Gaed blong Yumi blong Go Kasem Trutok” Blong Ol Yut Oli Kam Strong, Jen 2022.
Las Toktok
Gaed blong Yumi blong Go Kasem Trutok
I kamaot long wan toktok blong jeneral konfrens blong Oktoba 2004.
Ol pikja droing oli kam long Emily Davis
Stat long weaples yu stap long hem long rod blong laef, yu gat plante kilometa blong wokbaot i go yet, mo i gat plante joes blong yu mekem taem yu stap lukaotem blong gobak long Papa blong yumi long Heven. Folem rod ia, i gat plante saen we oli stap singaot. Setan i stamba blong sam long ol invitesen ia. Hem i stap lukaot blong mekem tingting blong yumi i fasfas, mo giaman o trikim yumi blong mekem se yumi folem wan nogud rod we i stap lidim yumi longwe long fiuja ples we yumi mas kasem blong taem we i no save finis.
Mi wantem serem wetem yufala, wei blong yufala i stap longwe long fasin blong giaman o trik. Faswan, oli bin tijim yu abaot stret mo gud fasin, mo talem gud long yu se hemia i trutok, so, yu stanap wetem hemia. Fas gud wetem ol skripja, from se ol tijing insaed oli protektem yumi agensem ivel. Nambatu. I no inaf blong kasem trutok. Yumi mas tekem “Tabu Spirit olsem gaed blong yumi” mo “no folem ol giaman toktok” (Doktrin mo Ol Kavenan 45:57).
?Olsem wanem nao yumi tekem Tabu Spirit olsem gaed blong yumi? Yumi mas sakem ol sin blong yumi, mo riniu ol kavenan taem yumi tekem mo kakae sakramen evri wik, wetem ol klin han mo wan hat we i klin evriwan. Long wei ia nomo nao yumi save gat tabu promes ia se bambae yumi gat Spirit blong hem i stap wetem [yumi] oltaem” (Doktrin mo Ol Kavenan 20:77). Spirit ia, hem i Tabu Spirit, we misin blong Hem i blong i testifae abaot Papa mo Pikinini, blong i tijim yumi, mo blong i soem rod long yumi blong go kasem trutok.