“Hapi Stop,” Blong Ol Yut Oli Kam Strong Jen 2022.
Hapi Stop
Ol Rod blong Yumi Joen I Stap
Blong save mit fes tu fes, hem i wan gudfala wei blong stap joen wetem ol narawan. Be yumi no save mit fes tu fes oltaem. Hemia samfala hapi aktiviti onlaen we yufala i save mekem long yia ia blong fulumap hol ia bitwin ol taem we bae yufala i save kam tugeta bakegen. !Tangkyu long Sarah F. Blong Kalifonia, YSA, blong sendem ol tingting ia!
-
Imelem wan link blong wan kala pej, printimaot long hom, kalarem, mo serem pikja blong yu wetem grup we i stap long imel. Afta, raetem wan hapi not long baksaed blong pikja ia, mo sendem i go long wan fren tru long postofis.
-
Mekem wan vidio blong wan fani danis, we i blong 10 seken nomo, mo serem vidio ia wetem grup.
-
Mekem wan fani krangke fes kompetisen.
-
Lukaotem ol sep long ol klaod blong sam dei bifo yu gat wan onlaen miting. Evriwan i tekem wan pikja blong ol klaod we i luk olsem sep blong wan samting, afta, serem ol foto ia wetem grup mo serem wanem samting nao yu ting se ol klaod ia oli ripresentem.
-
Mekem wan longfala resis blong mekem ol aksen blong givim seves. Luk hamas aksen blong givim seves we wanwan memba blong yut grup blong yu i save mekem long wan wik, mo afta, serem ol sakses stori blong yu.
-
Serserem ol fevret resipi. Soem kriesen blong yu long vidio, mo afta, kakae tugeta.
-
Mekem resis blong tekem pikja blong wan lis blong ol samting insaed long haos blong yu. Mekem wan lis blong 10 samting we bae yu mas faenem insaed long hom blong yu. Fas man we i sendem wan mesenja teks blong evri 10 samting ia !i win!
-
Gat wan onlaen kompetisen blong somap wan fani dresap klos (kostium) wetem ol samting we oli stap finis long haos blong yu. Vot blong faenem wijwan i beswan we i fani, sili, mo sam moa.
-
Holem wan longfala resis blong talem ol gud toktok abaot wan. Serem ol gud toktok ia abaot wanwan long yufala long wan naet o ova long wan longfala taem moa.
?Yu gat eni moa samting we yu wantem ademap long lis ia? Sendem olgeta i go long ftsoy@ChurchofJesusChrist.org blong mekem se mifala i save serem ol nara yut.
Trastem Lod wetem Ful Hat blong Yu
Droem wan samting we i go wetem yut stamba toktok blong yia ia.
Rod Ia blong Go Kasem Ol Gol
?Yu yu setem sam divelopmen gol blong yuwan olsem pat blong program blong Ol Pikinini mo Ol Yut blong yia ia? Hemia wan smol praktis blong tajem evri fofala bigfala eria blong ol gol ia. !Luk sapos yu save go tru long kruked rod ia blong kasem evri fofala jekpoen bifo yu kasem medel!
Droing i kam long Josh Talbot
Ol Komik
?I gat eniwan we i luk tenis raket blong mi?
Val Chadwick Bagley