Ikonektar

Viviena K.

17, Tonga

Sukad sa Primary pa ako, gusto ko nga mahimong usa ka misyonaryo. Apan sa dihang nag-edad ko og dose, ako nawad-an og kadasig. Ang moabot sa igong pangidaron sa pagserbisyo sa misyon ingon og layo pa kaayo para nako. Nabalaka ko nga ako matumpawak sa tintasyon. Naghunahuna ko nga mas maayo pang magpakabuhi ko sumala sa akong gusto ug dili na mabalaka mahitungod sa pagpangandam.

Apan sa dihang nakigsulti ko sa akong mga ginikanan mahitungod sa pagserbisyo og misyon, ilaha akong gidasig. Miingon sila nga si Satanas kanunayng maningkamot sa pagtintal kanako kon mobuhat ko og butang nga maayo alang sa akong Langitnong Amahan. Nag-ampo ko alang sa giya, ug akong gibati ang Langitnong Amahan nga nagmatuod nga Siya magauban kanako matag adlaw.

Bisan tuod ako nakaagi og mga tintasyon ug mga pagsulay, ang akong pagtuo lig-on. Nasayod ko nga kon ako mag-andam karon, pinaagi ni Jesukristo, ako mahimong usa ka misyonaryo sama sa gusto gayod nako. Kini mahimong lisod, apan nasayod ko nga ang Dios magauban kanako sa tanan nakong buhaton.

Ipaambit ang inyong istorya ug pagbasa og mga istorya gikan sa ubang kabatan-onan diha sa @StrivetoBe Instagram.