“Ang Langitnong Amahan Nakaila Kanako,” Alang sa Kalig-on sa Kabatan-onan, Ene. 2022.
Ang Tema ug Ako
Mga Kabatan-onan mipaambit kon giunsa nila sa pagsunod ang mga pulong sa Tema sa Young Women ug sa Korum sa Aaronic nga Pagkapari
Ang Langitnong Amahan Nakaila Kanako
“Ako usa ka pinalangga nga anak nga lalaki sa Dios.”
Sa dihang nagkamping ako uban sa akong papa, mipakigbahin kami og panahon nga dili gayod nako makalimtan. Mitungas kami agi sa kilid sa bukid sa lawom nang gabii ug nakakita og usa ka luna nga makapanglingkod kami. Samtang nagtan-aw kami sa langit diha sa kagabhion, kami napalibotan sa daghang sanag kaayo nga mga bitoon nga wala pa ko sukad nakakita. Nanglingkod kami og dugay, gihinganlan og tagsa-tagsa ang mga planeta ug mga konstelisyon.
Nagtan-aw sa uniberso sa akong atubangan, mibati ko nga gamay kaayo og dili importante. Gani dili nako mahunahuna kon unsa pa ka daghan nga mga planeta ang anaa diha—“mga kalib[o]tan nga walay katap[o]san,” dili ba? Unsa man ako kon itandi nianang tanan?
Nangutana ko sa akong papa kon adunay laing kinabuhi diha sa uniberso, mibati na nga nabug-atan sa hunahuna. Nabasa gyod siguro niya ang akong mga hunahuna, tungod kay yano lang siya nga miingon: “Ania ang unsay akong nahibaloan. Ang langitnong Amahan adunay daghan nga mga gilalang, sama sa imo nang nakita. Apan sa tanan Niyang gilalang, Siya nahigugma nimo sa personal nga paagi.
“Siya makakita sa tanan nga imong maagian ug gusto og labaw pa sa bisan unsang butang nga mahimong kabahin sa imong kinabuhi. Gusto siya nga magdala diha kanimo og kalipay ug motabang kanimo nga makabalik sa pagpuyo uban Kaniya hangtod sa kahangtoran.”
Gibati gihapon nako nga gamay ubos sa dakong kalangitan sa kagabhion, apan mituo ko sa pagpamatuod sa akong amahan. Ako importante ngadto sa Langitnong Amahan. Ug Siya gusto nga maanaa sa akong kinabuhi.
Ako nakahinumdom unsa ang gitudlo ni Presidente Dieter F. Uchtdorf, kaniadto nga Ikaduhang Magtatambag sa Unang Kapangulohan: “Kini ang kalainan sa tawo: itandi ngadto sa Dios, ang tawo walay bili; apan kita ang tanan ngadto sa Dios.”1
Ingon nianang mabitoon nga kalangitan, ang mga nilalang sa Dios mao ang walay kataposan—ug mao usab ang Iyang gugma alang sa matag usa sa Iyang mga anak. Alang sa matag usa kanato. Usahay ako maghunahuna og balik niana nga higayon nga naglingkod sa usa ka bukid sa maanindot nga katingala . Mahimong ako walay bili kon itandi sa Dios, apan Siya wala maghunahuna sa ingon niana nga paagi. Ako Iyang anak, ug Siya nakaila kanako.
Ang tagsulat nagpuyo sa California, USA