“Sila Akò ug Ako Nakaila Kanila,” Alang sa Kalig-on sa Kabatan-onan, Ene. 2022.
Dali, Sunod Kanako
“Sila Akò ug Ako Nakaila Kanila”
Litrato gikan sa Getty Images
Mibati ba kamo sukad og pagkadili importante? Kamo mahimong mibati na niini sa dihang naghunahuna kamo mahitungod kon unsa kadaghan sa mga tawo sa kalibotan o mitan-aw kon pila ka bitoon ang anaa sa kalangitan. Nakahunahuna ba kamo sukad kon ang Dios nakaila ba gyod kon kinsa kamo ug unsa ang sa inyong kinabuhi? Kon mao, nan si Moises adunay mensahe alang kaninyo.
Sa usa ka panan-awon, ang Dios mipakita ni Moises sa tanang tipik sa kalibotan ug sa tanang katawhan kinsa mopuyo didto. Sila daw “dili maihap ingon sa balas diha sa baybayon” (Moises 1:28). Misulti dayon ang Dios kang Moises nga nakahimo Siya og “mga kalib[o]tan nga dili maihap” (Moises 1:33)—nga ang Iyang mga nilalang molapas pa ang Iyang mga nilalang lapas pa niining kalibotana.
Tingali si Moises mibati nga nabug-atan sa dihang nakita niya kining tanang butang. Tingali naghunahuna siya: Asa man ako mahiangay taliwala sa daghan nga mga nilalang? Ug kon sa unsang paagi ang Dios makasubay sa hilabihan kadaghan?
Ang tubag sa Dios yano: “ang Tanan nga mga butang maihap ngari kanako.” Unsaon? “Sila akò ug ako nakaila kanila” (Moises 1:35). Ang Dios nakaila kon si kinsa si Moises, gani ingon nga Siya nakaila sa tanan Niyang mga Anak, ingon man sa tanan sa Iyang mga nilalang. Ang tanan niini Iyaha—ang mga bitoon, balas, ug ilabi na ang Iyang mga anak dinhi sa kalibotan. Sila mao ang tibuok rason nga Siya mihimo sa kalibotan. Ang ilang mahangturon nga kaluwasan mao ang labing importanting buhat sa Dios.
“Kay tan-awa, mao kini ang akong buhat ug ang akong himaya—ang pagpahinabo sa pagka-imortal ug sa kinabuhi nga dayon sa tawo” (Moises 1:39).
Sama sa nahibaloan ni Moises kon asa siya mahiangay diha sa plano sa Dios, kamo usab makasiguro nga ang Dios nakaila kaninyo! Ang pagtabang kaninyo nga makabalik ngadto Kaniya mao ang Iyang buhat ug himaya. Ngano man? Tungod kay kamo Iya. Ug walay dili importante mahitungod niana!