“Makalingaw nga Seksiyon,” Alang sa Kalig-on sa mga Kabatan-onan, Ene. 2022.
Makalingaw nga Seksiyon
Mga Pamaagi nga Magpabiling Konektado
Ang pagpakigtagbo sa pisikal nga paagi usa ka nindot nga paagi sa pagkonektar ngadto sa uban. Apan kita dili kanunay nga magkakita sa personal. Ania ang pipila ka makalingaw nga virtual nga mga kalihokan nga nindot ikonsiderar niini nga tuig aron mamenosan ang kahaw-ang taliwala sa inyong sunod nga pisikal nga mga panagtagbo. Salamat ni Sarah F. gikan sa California, USA, sa pagpadala niini!
-
I-email ang link sa usa ka koloranan nga pahina, iimprinta kini sa panimalay, kolori kini, ug ipakigbahin ang usa ka litrato niini sa grupo nga text. Dayon pagsulat og makalingaw nga mubo nga sulat sa luyo ug ipadala kini ngadto sa usa ka higala.
-
Paghimo og 10 segundos nga video sa kataw-anan nga sayaw ug ipakigbahin kini ngadto sa grupo.
-
Pagpahigayon og sangka sa kinomedya nga selfie.
-
Pangita og mga porma diha sa mga panganod [cloud-watch] sulod sa pipila ka adlaw sa dili pa magtagbo sa virtual nga paagi. Ang tanan mokuha og mga litrato sa mga panganod nga daw sama sa usa ka butang, dayon ipaambit ang mga litrato sa usag usa ug ipakigbahin ang ilang hunahuna kon unsa ang gihulagway sa mga panganod.
-
Pagpahigayon og malungtaron nga mga buhat sa pagserbisyo. Tan-awa kon pila ka mga buhat sa pagserbisyo ang mabuhat sa matag sakop sa inyong grupo sa kabatan-onan sulod sa usa ka semana, ug dayon ipakigbahin ang inyong mga istorya sa kalamposan.
-
Pagbinayloay og paborito nga mga resipe. Ipakita ang inyong naluto pinaagi sa video, ug dayon pangaon og dungan.
-
Pagpahigayon og dula sa pagpangita og mga butang pinaagi sa paglitrato niini [picture scavenger hunt] diha sa panimalay. Paghimo og lista sa 10 ka butang nga kinahanglan ninyong pangitaon diha sa inyong panimalay. Ang unang tawo nga makapadala og text sa hulagway sa tanang 10 ka butang maoy makadaog!
-
Pagpahigayon og virtual nga sangka sa pagsinina [costume] gamit ang mga butang nga anaa na daan sa inyong panimalay. Botohan ang labing maayo, labing lingaw, labing kataw-anan, ubp.
-
Pagpahigayon og malungtaron nga pagdayeg. Ipakigbahin ang labing daghang pagdayeg mahitungod sa usag usa kutob sa inyong mahimo atol sa usa ka gabii o sa mas dugay nga tagal sa panahon.
Aduna ba kamoy bisan unsang dugang nga mga butang nga inyong ikadugang niini nga lista? Ipadala kini ngadto sa ftsoy@ChurchofJesusChrist.org aron mapakigbahin nato kini sa ubang mga batan-on.
Salig sa Ginoo sa Bug-os Mong Kasingkasing
Pagdrowing og usa ka butang nga may kalabotan sa tema sa kabatan-onan karong tuiga.
Ang Dalan padulong sa mga Tumong
Nakatakda ba kamo og pipila ka tumong sa personal nga kalamboan isip kabahin sa Kabataan ug Kabatan-onan karong tuiga? Ania ang usa ka gamay nga pagbansay sa paglakip sa tanang upat ka dakong mga bahin sa tumong. Tan-awa kon kamo makalampos sa maze pinaagi sa pag-agi sa tanang upat ka checkpoint sa dili pa moadto sa tunga!
Paghulagway pinaagi ni Josh Talbot
Komiks
Duna bay bisan kinsa nga nakakita sa akong tennis racket?
Val Chadwick Bagley