“Atong Giya ngadto sa Kamatuoran,” Alang sa Kalig-on sa Kabatan-onan, Ene. 2022.
Kataposang Pulong
Atong Giya ngadto sa Kamatuoran
Gikan sa Oktobre 2004 nga pakigpulong sa kinatibuk-ang komperensiya.
Paghulagway pinaagi ni Emily Davis
Gikan sa inyong posisyon diha sa dalan sa kinabuhi, kamo adunay taas pa kaayong latason ug daghan ang mga pagpili nga pagahimoon samtang kamo magtinguha sa pagbalik ngadto sa atong Langitnong Amahan. Subay sa dalan adunay daghang paskin nga magpanawag. Si Satanas mao ang tigpasiugda sa pipila niining mga imbitasyon. Siya nagtinguha sa paglibog ug paglingla kanato, aron nga kita masubay sa dalan nga mopahilayo kanato sa mahangturon nga destinasyon.
Nanghinaot ko nga makapaambit kon unsaon ninyo nga makalikay sa pagkalingla. Una, kamo gitudloan sa pagkamatarong ug gipasaligan sa kamatuoran niini, busa magpabilin niini. Mohupot og maayo sa mga kasulatan, kansang mga pagtulun-an mopanalipod kanato batok sa dautan. Ikaduha, dili kini igo nga nakadawat sa kamatuoran. Kita kinahanglan usab modawat sa “Espiritu Santo alang sa [atong] giya” ug “dili [ma] limbongan” (Doktrina ug mga Pakigsaad 45: 57).
Unsaon nato sa pagdawat ang Espiritu Santo alang sa atong giya? Kita kinahanglan gayod maghinulsol sa atong mga sala ug bag-ohon ang atong mga pakigsaad pinaagi sa pag-ambit sa sakramento matag semana uban sa limpyo nga mga kamot ug putli nga kasingkasing. Sa ingon lamang niini nga paagi nga kita makaangkon sa balaang saad nga kita “sa kanunay makabaton sa Iyang Espiritu uban [kanato]” (Doktrina ug mga Pakigsaad 20:77). Kana nga Espiritu mao ang Espiritu Santo, kansang misyon mao ang pagpamatuod sa Amahan ug sa Anak, sa pagtudlo kanato, ug sa paggiya kanato sa kamatuoran.