Direkta sa Punto

Giunsa paghimo ang kalibotan?

Si Kristo nga naglalang sa yuta

“Sa pagsugod sa Dios pagbuhat sa kalibotan ug sa tanang butang sa kalangitan” (Genesis 1:1). Busa, sa unsa nga paagi gibuhat Niya kini? Ania ang pipila ka butang nga atong nahibaloan:

Si Jesukristo milalang sa yuta. Ang Langitnong Amahan ang midirekta sa buhat sa Paglalang; si Jesukristo ang mipahinabo niini pinaagi sa gahom sa pagkapari. “Pinaagi sa akong Bugtong Anak Ako milalang … sa yuta” (Moises 2:1).

Ang kalibotan giorganisar gikan sa anaa nang daan nga mga elemento, wala gilalang gikan sa wala. “Modala kita niini nga mga butang, ug kita magbuhat og usa ka yuta” (Abraham 3:24).

Ang Paglalang nahitabo sa unom ka ang-ang. Piho nga mga butang ang nahitabo sa kada ang-ang sa Paglalang. Sama pananglit, ang mga tanom miabot sa usa ka ang-ang, mga linalang sa dagat ug mga langgam sa lain, mga hayop ug mga tawo sa ubang mga ang-ang.

Ang mga ang-ang sa Paglalang milungtad og wala mahibaloi nga gidugayon sa panahon. Ang mga kasulatan usahay nagtawag sa mga ang-ang og “mga adlaw”, apan kana wala magpasabot og 24 ka oras nga mga adlaw. Usa ka asoy naghisgot og “mga panahon” (tan-awa sa Abraham 4). Wala kita masayod sa gitas-on niini.

Ang atong mga pangutana mahitungod sa Paglalang matubag ra sa kataposan. “Niana nga adlaw kon ang Ginoo moanhi, siya mopadayag sa tanan nga mga butang—mga butang … sa yuta, diin kini gibuhat” (Doktrina ug mga Pakigsaad 101:32–33).