“Katomaira,” Ibukin Kakorakoraia Kairake, Tianuare 2022, inanon te moan baa.
Katomaira
Viviena K.
17, Tonga
Man te tai are I mena n te Maonrinan, I a tia n tangiria n riki bwa te mitinare. Ma ngke tebwi ma uoua au ririki, e moanna ni bwarananou. Te roro n riki bwa te mitinare e taraa n raroa nako nakoiu. I raraoma bwa I taku bwa n na bwaka n te kataaki. I iangoia bwa tao N na maiuakina maiu are I tangiria ao n aki tabe ma katauraoai.
Ma ngke I taetae nakoia au karo ibukin karaoan au mition, a rangi ni kaungaai. A tuangai bwa Tatan e na aki toki ni kataai ngkana I karaoa te bwai ae raoiroi ibukin Tamau are i Karawa. I tataro ibukin te kairi, ao I namakinna ae e kamatoa te Tama are i Karawa bwa e na mena irou ni katoa bong.
E ngae ngke I a tia n rinanon kabwakabwaka ao kataaki, au onimaki e korakora. I ataia bwa ngkana I katauraoai ngkai, rinanon Iesu Kristo, I kona n riki bwa te mitinare n aron are I a kaman tangiria. E na kona ni kangaanga, ma I ataia ae e na raonai te Atua ni bwaai ni kabane aika I karaoi.