Te Boto n Iango ao Ngai

Kairake a tibwaia bwa a kanga ni maiuakin taeka ake n aia Boto n Iango Ataeinaine ao te Kooram n te Nakoanibonga ae te Aaron

I Ata Bonganau ao Kakawakiu

“Ngai bon te naati aine aika tangiraki iroun tamara are i karawa.”

Iroun Jihan Johnson

Rawetamnei iroun Christina Smith

Ni mwakoron Jamaica aika mwaiti, ataein te reirei n arou ti na karaoa te ukeuke n nakon te kauarinan n reirei ae ti tangiria. Raoraou ao Ngai ti kamatebwai mwaaka bwa ti aonga ni bane n rin n te kauarinan aika moan te tamaroa. Ngke I moanna n raraoma bwa na kona ni bwaati, tinau e aki toki ni kaungaai. E kauringai ae ngai bon temanna natin Tamara are i Karawa are E na buokai ni kairai nakon te kawai ae eti.

Ngke a otinako mwiin ara ukeuke, I karekea te kabanea n rietaata ni bui ae I kona ni karekea! I bon rangi ni miimi ibukina bwa nanona I kona n raoniia raoraou ni kabane!

Ma I waekoa ni kunea bwa temanna raoraou e aki raoiroi ana bui. Ti bane n nanokawaki bwa e aki kona n nako ma ngaira. Ma I kunea te kimwareirei ngke I uringa te bwai are e a tia n reireinai tinau. Raoraou bon natin Tamara ae i Karawa te aine ae moan te tikiraoi, n aki tabe ma mwiin ana bui, Tamara are i Karawa e na buokia.

Nanou e moanna ni kerikaaki ngke raoraou e tuangiia aomata ni kabane bwa I aki tau n nakon te kauarinan—bwa ngaia ae riai n nako. Angiia raoraou a kakoaua ana taeka ao a karaoa te bwai ae taekinna ao aikoa kabanea aia tai ma ngai. I moanna n raraoma bon ibukiu. E bon riai bwa n na rin?

I uringa te bwai are e reireinai tinau: ae ngai bon te nati iroun Tamara are i Karawa ae onoti.

I a mena ngkai n te reirei ae boou, ao I a karekeia raoraou aika boou. A boutokaai ao a kauringai n aron bonganau ao kakawakiu. I a tia n reiakinna ae akea bonganan te bwai ae a taekinna tabeman ibukiu. I kukurei ngke I kataia n riki n aron are e tangiria te Atua bwa n na riki nako iai—ibukina bwa anne ae I tangiria n riki nako iai.

E maeka te tia korokaraki i Jamaica.