“Bon au Bwai ao I Ataiia,” Ibukin Kakorakoraia Kairake, Tianuare 2022.
Nakomai, Iriirai
“Bon au Bwai ao I Ataiia”
Tamnei iroun Getty Images
Ko a tia n namakina ae ko aki kakawaki? Ko bae n tia n namakinna ae ai aron aei ngke ko a tia n iangoi bwa iraua mwaitia aomata n te aonaaba ke n taraia bwa iraua mwaitin te itoi i karawa. Ko a tia ni kakaea raoi ngkana e ataia te Atua bwa antai ngkoe ao tera aron maium? Ngkana ngaia anne, ngkanne iai ana rongorongo Mote ibukim.
N te mii ni burabeti, te Atua e kaotia nakon Mote bwaai ni kabane aika uarereke iaon te aba ao aomata ni kabane aika a na maeka ikekei. A bon “aki kona ni warekaki mwaitia n ai aron te tano i matanwin taari” (Mote 1:28). Ngkanne te Atua e tuanga Mote ae E a tia ni karaoi “aonaba ake aki kona ni warekaki” (Mote 1:33)—bwa Ana karikibwai e roota ae itinanikun te aonaba.
E rotaki n ae korakora Mote ngke e noori bwaai aikai ni kabane. Tao e mimi: Teraa neu ibuakon taian karikibwai aika mwaiti aikai? E kanga te Atua n taua mwiin aika mwaiti?
Ana kaeka te Atua e bebete: “Bwaai ni kabane a warekaki irou.” Ni kanga? “Bon au Bwai ao I Ataiia” (Mote 1:35). E ataia te Atua bwa antai Mote, n aron ae E ataia natina ni kabane n raonaki ma Ana karikibwai ni kabane. Ngaia ni kabane bon Ana bwai—itoi, te tano, ao riki Natina iaon te aba. Anne bon bukina ni kabane ngkai E karaoa te aonaaba. Kamaiuakiia ae akea tokina bon ana mwakuri te Atua ae moan te kakawaki.
“Bwa nooria, bon aio au mwakuri ao mimitongiu—ni karekea te aki mamate ao te maiu ae akea tokina ibukin te aomata” (Mote 1:39).
N aron ae reiakinna Mote bwa e na mena ia n Ana babaire te Atua, ngkoe naba ko kona ni kakoaua ae e ataiko te Atua! Ni buokiko n oki nako Ina bon Ana mwakuri ao mimitongina. Bukin tera? Bukina bwa ngkami bon Ana bwai. Ao akea te bwai ae aki kakawaki n te bwai anne!