“Te Toki ae Kaunga,” Ibukin Kakorakoraia Kairake, Tianuare 2022.
Te Tokiae Kaunga
Aanga ni Kateimatoa te Reitaki
Te bootaki ni kaitara ni itaramata bon te kawai ae tamaroa ni karikirakea te reitaki iai ma tabeman. Ma tiaki kona n tainako n tekateka ni kaitara. Aikai tabeua waaki ni kakukurei aika kaunga n te kaitara rinanon te kaombiuta aika tau n iangoaki n te ririki aei ni bonota te maranga n te reitaki nakon te itaramata are imwina. Te kakaitau nakon Sarah F. mai California, USA, ibukin kanakoan bwaai aikai!
-
Imeerina te ringke nakon te iteraniba ae na karanaki, burintinna ni mweengam, karanna, ao tibwaua tamneina n tekiti ma te kurubu. Imwiina korea te taeka ae kaunga itinanikuna ao kanakoa n te meeri nakon raoraom.
-
Rawea tamnein te mwaie ae kaunga ae te 10-te teekan manna n te witeo ao tibwauaia ma te kurubu.
-
Karaoa te kabootoa n rawean te ubu ae kakamanga.
-
Tarai aron tein naang i karawa inanon tabeua te bong imwain ae e karaoaki te bootaki. Ni kabane aomata rawei tamnein taian nang ae a taraa n aekan te bwai, ngkanne tibwai tamnei akanne ao tibwai aia iango iaon te bwai ae a kaotii naang.
-
Karaoa te mwakuri n ibuobuoki ae e maan taina. Taraia bwa iraua mwakuri n ibuobuoki ae a kona membwa n am kurubu ni karaoia n te wiiki, ao imwiina tibwaua am karaki aika nakoraoi.
-
Tibwauai imarenamii aron karaoan amwarake ae mamaten nanom. Kaota tamnein am kuuka ae ko karaoia n te witeo, ao amwarake ni bootaki.
-
Karaoa te takakaro iaon kakaean tamnei aika a karabaaki inanon mweengam. Koroi ni karinani 10 bwaai aika ko na kakaei inanon mweengam. Te aomata are e moan tekitina tamnein 10 bwaai aikai ngaia ae moanna!
-
Karaoa te kabo n te kunnikai rinanon te kaombiuta ma bwaai aika a kaman mena inanon mweengam. Rinea te kabanea n tamaroa, kabanea ni kamanga, te kabanea n nanobaba, ao e nako riki.
-
Karaoa te waaki ni kakaitau ae e reitinako taina. Tibwauai kakaitau aika mwaiti ibukira n tatabemaniira n aron ae ko kona n te tairiki ke n te tai ae maan riki.
Iai riki te bwai ae ko kan karinna nakon te beeba aei? Kanakoi nakon ftsoy@ChurchofJesusChrist.org bwa ti aonga n tibwauaia ma kairake ake tabeman.
Onimakina te Uea n Nanom Ni Kabanea
Korea te bwai ae irekereke ma aia kibu ni koora kairake n te ririrki aei.
Te Kawai nakon Kouru
Ko a tia ni katei tabeua oin am kouru ibukin rikirakem bwa mwakoron aia kouru Ataei ao Kairake ibukin te ririki aei? Aio teutana te kataneiai ni kairekerekei ni kabane aua kouru n te aono aika kakawaki. Taraia ngkana ko kona n rinanon te kawai ae kakiribaobaoaki ni karoko nakon taabo n tei ake aua imwain rokom n te tienta!
Kamatata n te tamnei iroun Josh Talbot
Tamnei aika Kamanga
Iai ae e a tia n noora au kai n teneti?
Val Chadwick Bagley