“Kairara nakon te Koaua,” Ibukin Kakorakoraia Kairake, Tianuare 2022.
Kabanea n Taeka
Kairara nakon te Koaua
Man te rongorongo n te maungatabu ni kabuta Okitobwa 2004.
Kamataata n te korotamnei iroun Emily Davis
Bwa tao ko mena iaa iaon kawaim n te maiu aei, e abwabwaki kawaim ae ko na toua ao a mwaiti am rinerine ae ko na karaoi ngkai ko ukoria n oki nakon Tamara are i Karawa. Iaon kawaim a mwaiti kanikina aika a katiki am iango. Tatan bon ngaia oin taian kakao aikai. E ukoukoria ni kamangaoira ao ni mwamwanaira , ni uotira nakon kawai ae a taraa ni bebete ake a na kairiira nako man tokin kawairaae akea tokina.
I tangiria n tibwaia bwa ko na kanga n totokoa te mwamwanaki. Te moan, ko a tia n reireinaki taekan te raoiroi ao koauan koauana, ngaia are teimatoa ni bwainna. Taua ni kamatoai ana taeka te Atua, ae a na reirei a kawakiniira man bwaai aika buakaka. Te kauoua, e aki tau ae tina ti karekea te koaua. Ti riai naba n ana “te Tamnei ae Tabu ibukin kai[rara]” ao n [aki] mwamwanaaki” (Reirei ao Berita aika Tabu 45:57).
Ti kanga n anaa te Tamnei ae Tabu ibukin kairara? Ti riai n raira nanora man ara bure ao ni kabooui ara berita aika tabu man tauakin te toa ni katoa wiiki ma baira aika itiaki ao te nano ae itiaki. Ti n te kawai aei ae ti kona ni karekea iai te berita mai ieta bwa e aonga “ni memena Tamneina iao[ra] n tainako” (Reirei ao Berita aika Tabu 20:77). Te Tamnei anne bon te Tamnei ae Raoiroi, are ana mwakuri bon kakoauaan te Tama ma Natina, n reireiniira, ao ni kairiira nakon te koaua.