“E kanga ni karaoaki te aonaaba?,” Ibukin Kakorakoraia Kairake, Tianuare 2022.
Nakon Raoi te Iango
E kanga ni karaoaki te aonaaba?
“Ngke e tuai ni karikaki bwaai, ao E karika karawa ma aonaba te Atua” (Karikani Bwaai 1:1). Ngaia are, E kanga ni karaoia? Aikai bwaai tabeua aika ti atai:
E karika te aonaaba Iesu Kristo. Tamara are i Karawa e kaira te mwkauri ni Karikibwai; Iesu Kristo e karaoia man mwakan te nakoanibonga. “Mai iroun au Rikitemanna I karika … te aonaba” (Mote 2:1).
E baireaki te aonaaba man bwaai aika ai kaman iai, e aki karikaki man te akea. “Ti na uoti bwaai aikai, ao ti na karaoa te aonaba” (Aberaam 3:24).
E karaoaki te Karikibwai inanon mwakorona aika onoua. A riki bwaai aika a kakaokoro inanon nako mwakoron te Karikibwai. N aron aei, a riki aroka ni mwakorona teuana, manin taari ao mannikiba n teuana, manin aonteaba ao aomata ni mwakorona ake tabeua.
Mwakoron tain te Karikibwai e anaa mwaitin te tai ae aki kaotaki. Booki aika tabu n tabetai a atong mwakoron taai akane bwa “boong,” ma e aki nanonaki anne bwa boong aika 24-te aoa. Teuana te rongorongo e taetae iaon “taai” (taraa Aberaam 4). Ti aki atai abwakiia.
Ara titiraki ibukin te Karikibwai a na bon kaekaaki. “N te bong anne ngkana e roko te Uea, e na kaoti bwaai ni kabane—bwain … te aonaaba, are e karaoaki iai” (Reirei ao Berita aika Tabu 101:32–33).