“Onimakina te Uea,” Ibukin Kakorakoraia Kairake, Tianuare 2022.
Onimakina te Uea
E kaoko te Atua bwa ko na Onimakinna ni bwaai ni kabane.
N tabetai ngkana a riki bwai aika kangaanga, ti na titiraki ngkana ti kona n onimakina temanna, n raonaki ma te Atua. Ti makua bwa rimwi E na kauniira naba. Te rongorongo ae raoiroi bwa te Atua e tangiriira ni koaua. E akoi ao e tituaraoi ao ni kokoaua. E aki bibitaki ao E onimakinaki.
Ao ibukin anne, ti kona n onimaki Irouna n aki tabe bwa tera. Aia botoniango kairake n te ririki aei e kangai “Onimakina te Uea” (Taeka n Rabakau 3:5–6).
Aikai tabeua katooto bwa ti kanga ngaira n tatabemanira nako inanon te Beretitentii ni Kabuta n te Bootaki n Ataeinaine ao n Ataeinimwaane n onimakina te Uea.
Michelle D. Craig
Bonnie H. Cordon
Rebecca Craven
Onimakina are E Karaoia te Atua
Tabeua boong imwain ae koro 16 au ririki, a mwaing au utu man mwakoron te aba teuana nakon teuana. N au iango I taku bwa te tai ae aki raoiroi! Ngkana I tarai taai aika nako, I kakoaua bwa a reke tabeua kakabwaia aika korakora ibukiia ara utu ao bon ibukiu ibukin te mwaing anne ngke ngai te kairake. Ti aki ataa ana tai te Uea n te tai aei, ma ti Onimakinna ibukina bwa ti kona n onimakina Nanona ao are E karaoia.
Michelle D. Craig
Onimakina Ana Tai te Uea
Ibukin weteakin tamau bwa te beretitenti n te mition, I karekea oin au wewete bwa na beku bwa te mitinare imwain karietaan te kainibaire ibukin te ririki irouia mitinare n aine. E nanonaki n anne bwa n na rin n te tienta ni kataneiai ibukiia mitinare imwain te angabeba n te kauarinan. Irou, e aki tamaroa nakou n te tai anne, ma I karekea te kamatoa n tamnei bwa n na onimakina te Uea. I karaoia, ao a bane n nakoraoi bwaai ni kabane.
Onimakinan te Uea e nanonaki n ae te waaki nako e ngae ngke e aki rangi ni mataata raoi te kawai.
Bonnie H. Cordon
Onimakina te Atua n Taai ni Kangaanga
Ngke I ikawai rake, tamau bon te aobitia ibukin karekean te mwakuri n te Taanga ni Buaka. Ti te bwai ae aki raoiroi n ana mwakuri bwa e riai n nakon te buaka. Bon 13 au ririki ngke e nako tamau nako Vietnam ibukin te kauoua n tai. Makakin ae e na aki oki I aki toki n iangoia, ma ai aron naba onimakinan te Uea. Imwain nakona, e anganai ana kakabwaia te tama ni kakoaua nakoiu bwa e na mena irou te Uea ao n ibuobuoki ngkai e a nako tamau. I namakina te rau. E ngae ngke I aki ataia raoi bwa e na okira mwengana tamau n akea ana kangaanga, I onimakinna bwa a na bane n nakoraoi bwaai ni kabane, n aki tabe ma te bwai ae riki.
Rebecca Craven
Ahmad S. Corbitt
Steven J. Lund
Bradley R. Wilcox
Onimakiniko nakon te Atua
Ngke I kaina te Ekaretia ngke te ataeinimwaane ngai, I iangoia bwa n na anga ngai nakon te Uea. E ngae ngke te aeka ni motinnano ae matoa anne e taraa ni kakamaku teutana, I ataia bwa e bon eti. I namakinna ae Tamara are i Karawa e tangira aei ibukiu, ao I karekea te rau man karaoakina. I rangi ni kakaitau bwa I rineia bwa n na onimakina te Atua ao ni kariaia bwa E na tararua maiu. I koaua raoi bwa ngkana I onimakina oin au ataibwai, ao maiu e na aki karekea te kaubwai n te kimwareirei, te kukurei, ao te rau.
Ahmad S. Corbitt
Onimakina Ana Kairi te Uea
Imwiin ae I karaoa au mition, e anaaki nanou bwa n na ira te taanga ni buaka irarikin te oki nakon te kaoreti. Aio bon te kabanea ni bwai ae I tangiria ni karaoia! I moanna ni mangaongao, ma I a tia n reiakinna bwa n na onimakina te Atua, ao I karekea te onimaki ae tau bwa n na ongo Irouna ao n ongotaeka. I riki bwa te tautia inanon teniua te ririki.
A mwaiti bwaai aika raoiroi aika riki bwa mwiin te iango anne, n raonaki ma kaitibou ma buu ibukin te tai ae na roko.
Steven J. Lund
Onimaki n Ana Kairoro te Atua ni Karaoia Ngkai
Imwiin ae I reireiniia te koraki onoua inanon teniua te ririki, I reiakinna bwa ngkana I reirei ibukin aua riki te ririki, te reirei n te mwakoro e na kabwaka mwakoron roou ni karekea au tikurii ae te mwatita. E taraa n ae te babaire ae tikiraoi—ni karokoa ae kairoroai te Tamnei bwa na kitana au mwakuri ao ni karekea au tikurii ngkai naba. Iai ana kanamakin buu ae aekan anne, ngaia ae ti a waaki nako. E nanonaki n ae ti nang bon kabwaka mwane ibukin ara reirei. Ma bukina bwa ti karaoia, I iaeanaki bwa n na angareirei n te BYU—Provo. Reken te tai n angareirei n te BYU e na bon aki reke ngke ti tataninga aua riki te ririki. Ti aki ataia bwa ana kanga bwaai ni karaoaki, ma e kaira kawaira te Uea n aron are E beritanna.
Bradley R. Wilcox