“Titiraki ao Kaekaaia,” Ibukin Kakorakoraia Kairake, Tianuare 2022.
Titiraki ao Kaekaia
“Akea te bwai ae ti tebo iai arou ma aomata n au kurubu ni kairake. N na kanga n namakina riki te reitaki ma ngaiia?”
Karoko Iroun Temanna
“I namakina riki te reitaki ma tabeman ngkana I kataia raoi ni kabanea au tai mangaia n tatabemaniia, tiaki ti n te kurubu. Ngkana ko tangiria ni kakaea te aomata ae ko na nakoraoi mangaia, nakon te aomata ae taraa n tangira raonakina. Ko na noria ae ko kakabwaiaaki riki nakoia!”
Latyanna P., 17, Singapore
Tibwauai Bwaai Aika a Mamate Nanom Iai
“Angiia aomata n au kurubu ni kairake a kakaokoro bwaai aika a mamate nanoia iai. I tangiria n titirakiniia bwaai aika e mamate nanoia iai bukina bwa e kaotia ae I tabe ibukiia. Ao e na anganiia aia tai n titirakinai bwaai aika mamate nanou iai. Karaoan te reitaki ma aomata e anaa te tai—teimatoa ni kataia!”
Erin F., 18, Utah, USA
Kakaei Bwaai ae kam Boraoi Iai
“Ngkana ko tangiria ni karekea te reitaki ae raoiroi ma aia kurubu raoraom, kakaai bwaai aika raoiroi, mani uaana aika kam kona ni botaki ni karaoi, e ngae ngkana aki rangi ni mwaiti. Ko kona ni kakaea te bwai ae kam tatangiria ni karaoia ke ae anai nano aika kam bane ni kukurei iai. Bubuti te buoka mairoun Tamara are i Karawa, ao E na angani ngkami te kairi mai ieta.”
Carla V., 12, Peru
Atai Kakaokoromi
“Mwaitin au tai ae I kabanea ma aomata n au kurubu ni kairake, e karikirakea tangiraia n anuaia ae onoti! I reiakinna bwa n na kanga ni buokiia n ae nakoraoi riki, are e buokai ni kaniiai riki nakoia ao nakon Iesu Kristo. Ngaira ni kabane bon natin Tamara are i Karawa, ngaia are e mwaiti ae titebo arora iai nakon are ti ataia.”
Sarah M., 16, Oregon, USA
Katai Bwaai Aika Boou
“Bwaina te itangitangiri ao teimatoa n taetae nakoia. Teimatoa ni katai bwaai aika boou ibukin reitakim. Te ataeinimwaane n ara uoote e rarawa ni biriaitua n takakaro, ma e aki toki n raoniira n takakaro. Ngkanne ti karaoi bwaai ae e mamate nanona iai, n aron te kamwaninga n te tiaka ke te karekare n te kaati. Katakin bwaai aika boou bon te kawai ae raoiroi n namakinan te reitaki.”
Jarren M., 17, Nova Scotia, Canada
Anga Baai n Ibuobuoki
“Anga baim n ibuobuoki ao buoka temanna n am kurubu ni kairake ae kainnanoa buokana. Ngkana ti kataia n riki bwa ana banna ni katooto te Tia Kamaiu n ana tangira, e na buokira ni karekea riki te reitaki imarenara.”
Joshua C., 20, Faleniu, American Samoa
Riiki bwa Boni Ngkoe
“Inanon taina ko na bae ni kunei bwaai aika iai iroumi ni kabane, ma tao tiaki ngkekei naba. N te tai aei, kam kona ni karekea te reitaki man karaoan waaki ni kakukurei ao bwaai ake a riki n te wiiki anne. Kakukurei ngkami n taian waaki ni kakukurei! Rineia bwa ko na iria, ao kakukureiko!”
Hannah W., 18, Nova Scotia, Canada