Hvernig var jörðin sköpuð?

„Í upphafi skapaði Guð himin og jörð“ (1. Mósebók 1:1). Hvernig gerði hann það þá? Hér er sumt af því sem við vitum:

Jesús skapaði jörðina. Himneskur faðir stýrði sköpuninni, Jesús Kristur framkvæmdi hana með krafti prestdæmisins. „Með mínum eingetna skapaði ég … jörðina“ (HDP Móse 2:1).

Heimurinn var skipulagður úr efni sem þegar var til, en ekki skapaður úr engu. „Við munum taka af þessu efni og við munum gjöra jörð“ (Abraham 3:24).

Sköpunin fór fram í sex þrepum. Vissir hlutir gerðust í hverju þrepi sköpunarinnar. Plöntur komu til að mynda í einu þrepi, sjávardýr og fuglar í öðru og dýr og fólk í öðrum þrepum.

Þrep sköpunarinnar tóku óræðan tíma. Ritningarnar tala stundum um þrepin sem „daga“ en það þýðir ekki endilega tuttugu og fjögurra klukkustunda sólarhringar. Í einni frásögninni segir „sinn“ (sjá Abraham 4:8) Við þekkjum ekki þá tímalengd.

Spurningu okkar um sköpunina verður einhvern tíma svarað. „Á þeim degi þegar Drottinn kemur, mun hann opinbera allt – það sem jörðina varðar, upphaf hennar“ (Kenning og sáttmálar 101:32–33).