“Ikonektar,” Alang sa Kalig-on sa mga Kabatan-onan, Peb. 2022.
Ikonektar
Moroni
16, Sierra Leone
Litrato pinaagi ni Christina Smith
Nindot kaayo ang pagkahimong usa ka batan-ong miyembro sa Ang Simbahan ni Jesukristo sa mga Santos sa Ulahing mga Adlaw sa Sierra Leone. Kaming tanan mag-istoryahanay ug maglingaw-lingaw gayod og maayo. Ganahan kaming magkuyog sa pagdula og football [soccer]. Gibati nako nga importante gayod nga mahimo kaming mas suod isip usa ka grupo sa kabatan-onan.
Kausa misulay ako sa pagtambong og laing simbahan sa dihang ang akong pagtuo dili lig-on. Apan akong nakaplagan nga lahi Ang Simbahan ni Jesukristo sa mga Santos sa Ulahing mga Adlaw tungod kay gigiyahan kini pinaagi sa pagpadayag gikan sa Ginoo. Ug ang gasa sa Espiritu Santo kanunay nga mopabilin kanato sa hustong dalan.
Nindot kaayo nga mahimong bugtong nga miyembro sa akong eskwelahan. Napaambit nako ang ebanghelyo ngadto sa akong mga higala, ug nindot kaayo ang akong gibati niini. Gitudloan nako sila mahitungod sa Basahon ni Mormon, ug giimbitar gani nako sila nga motan-aw sa kinatibuk-ang komperensiya uban kanako—ug miabot sila!
Nagtuo ako nga ang Simbahan tinuod ug nga aduna kini sa kahingpitan sa ebanghelyo. Gikonsiderar ko sa akong mga higala nga buotan ug matinuoron, ug gikonsiderar ko nila nga maayo nga ehemplo tungod kay nagsunod ako sa ebanghelyo.