“Ang mga Patriyarka: Kinsa Sila ug Nganong Kini Importante,” Alang sa Kalig-on sa mga Kabatan-onan, Peb. 2022.
Dali, Sunod Kanako
Ang mga Patriyarka
Kinsa Sila ug Nganong Kini Importante
Tingali nakadungog na kamo kabahin kang Abraham, Isaac, ug Jacob. Atong mabasa ang mahitungod kanila kasagaran diha sa Basahon ni Mormon ug kamo siguradong makadungog og dugang pa mahitungod kanila samtang kamo magtuon sa Daang Tugon niining tuiga. Uban sa daghan kaayong pagtagad nga nahatag ngadto kanila, sila lagmit importante gyod, dili ba? Apan kamo tingali makapangutana sa inyong kaugalingon, “Nganong ang tulo ka kalalakin-an kinsa nabuhi sa liboan ka tuig na ang milabay importante man karon?” Nan, ang yawe ngadto niana nga pangutana anaa sa mahangtoron nga mga pakigsaad ug gisaad nga mga panalangin nga gihatag sa Dios kanila.
Abraham
Mga paghulagway pinaagi ni Jarom Vogel
Si Abraham usa ka talagsaong propeta. Siya matarong ug masulundon kaayo sa mga sugo sa Dios.
Siya gibunyagan, nakadawat sa pagkapari, ug naselyo ngadto sa iyang asawa nga si Sarah alang sa kahangtoran.
Ang Dios mihimo og usa ka pakigsaad uban kang Abraham nga ang iyang kaliwatan mahimong managhan ug makabaton sa mga panalangin nga iyang nadawat.
Sila ang modala sa kahingpitan sa ebanghelyo ni Jesukristo ngadto sa mga nasod sa yuta.
Isaac
Si Isaac mao ang anak nga lalaki ni Abraham ug ni Sara.
Ang Dios misugo ni Abraham sa pagsakripisyo ni Isaac. Gihigugma ni Abraham si Isaac apan mipili sa pagtuman sa Dios. Sa diha gayod nga isakripisyo na ni Abraham si Isaac, usa ka anghel ang misulti kang Abraham sa paghunong. Ang kaandam ni Abraham ug ni Isaac sa pagtuman sa Dios usa ka simbolo sa Pag-ula sa Bugtong Anak sa Dios.
Gisaaran si Isaac sa samang mga panalangin ni Abraham.
Jacob
Sama sa iyang amahan ug apohan, si Jacob nagmatinud-anon ngadto sa Dios.
Tungod sa iyang kamatinud-anon, ang Ginoo miusab sa ngalan ni Jacob ngadto sa Israel, nga nagpasabot “ang tawo kinsa mopatigbabaw uban sa Dios” o “ipatigbabaw ang Dios” (tan-awa sa Bible Dictionary, “Israel”).
Si Jacob adunay 12 ka anak nga lalaki. Kini nga anak nga mga lalaki ug ang ilang mga pamilya nahimong nailhan isip napulog duha ka tribo sa Israel.
Ang pakigsaad nga gihimo sa Dios ni Abraham gibag-o diha ni Jacob ug sa iyang mga anak.
Ang mga Patriyarka ug Ikaw
Isip usa ka miyembro sa Simbahan, ikaw kabahin sa kaliwatan ni Abraham, Isaac, ug Jacob. Ang pakigsaad nga ilang gihimo uban sa Dios magamit diha kanimo!
Anaa kanimo ang panalangin ug responsibilidad sa pagdala sa imong pagpamatuod sa Manluluwas ug pagpaambit sa ebanghelyo.
Ikaw usab gitawag sa pagdapit sa tanan sa paghimo ug pagtuman sa mga pakigsaad ug sa pagdawat sa mga ordinansa sa pagkapari. Si Presidente Russell M. Nelson nag-ingon nga kining tanan kabahin sa pagpundok sa Israel, nga “mao ang labing importanting butang nga mahitabo sa yuta karon” (“Hope of Israel [Paglaom sa Israel],” [tibuok kalibotan nga debosyonal sa kabatan-onan, Hunyo 3, 2018], 8, ChurchofJesusChrist.org).