Direkta sa Punto

Nganong ang Dios nagpahimo kanato og mga pakigsaad?

bunyag

Sukad sa mga panahon ni Adan ug ni Eva, ang Dios misulti sa Iyang mga anak mahitungod sa Iyang plano alang kanato sa pagkahimong mas mahisama Kaniya, lakip sa hugot nga pagtuo diha ni Jesukristo, paghinulsol, bunyag, ug sa gasa sa Espiritu Santo.

Sa dihang ang mga tawo midawat sa bunyag ug gasa sa Espiritu Santo, sila naghimo og mga pakigsaad. Ang mga pakigsaad mao ang sagradong kasabotan tali sa Dios ug sa tawo. Nagsaad ang Dios kanato og mga panalangin kon maningkamot kita sa pagtuman sa atong mga pakigsaad. Ang mga pakigsaad nagtugot kanato sa paggamit sa gahom nga makapalimpyo kanato gikan sa atong mga sala. Pinaagi niini kita makadawat usab sa kinadak-ang mga panalangin nga ikatanyag sa Dios.

Wala kita masayod sa tanang rason nga kita nagkinahanglan sa mga ordinansa ug mga pakigsaad. Sama sa gisulti ni Presidente Dallin H. Oaks, Unang Magtatambag sa Unang Kapangulohan,sa makausa miingon: “Ang Bunyag usa ka kinahanglanon, apan ngano? … Wala ko kahibalo. Apan ang akong nahibaloan mao nga ang pagtubos sa mga sala nahimong posible lamang pinaagi sa maulaong sakripisyo sa atong Manluluwas, nga si Jesukristo. … Ang iyang sakripisyo mibayad sa presyo sa akong mga sala, ug Siya mihan-ay sa mga kondisyon diin ako mahimong maluwas pinaagi sa Iyang pagbayad. Kana nga rason paigo na alang kanako” (“Ngano nga Kita Mohimo sa Misyonaryo nga Buhat?,” Liahona, Sept. 2009, 26).