Ang Tema ug Ako

Kabatan-onan mipaambit kon giunsa nila sa pagsunod ang mga pulong sa mga Tema sa Young Women ug sa Korum sa Aaronic nga Pagkapari

Pagpaambit sa Akong Hugot nga Pagtuo ngadto sa Akong Therapist

Ni Ethan Trujillo

“Ako motabang sa pag-andam sa kalibotan alang sa pagbalik sa Manluluwas pinaagi sa pagdapit sa tanan nga moduol ngadto ni Kristo ug modawat sa mga panalangin sa Iyang Pag-ula.”

imahe

Litrato sa maayong kabubut-on ni Ethan Trujillo

Ako adunay kabalaka [anxiety], busa nagpa-therapy ako matag semana. Sa unang pipila ka sesyon, milikay ko sa pagpakig-istorya sa akong therapist mahitungod sa akong mga gituohan. Gibugal-bugaln na ako tungod sa pagkalahi, ug nahadlok ko nga mausban na sab.

Niadtong Enero, bisan og, ang akong papa mibiyahe gikan sa California, USA, ngadto sa Mexico, USA, aron sa pag-orden kanako ngadto sa katungdanan sa usa ka teacher. Ang akong mga ginikanan nagdiborsiyo, busa ang akong therapist natingala kon nganong ang akong papa moanhi sa gilay-on nga 1,000 ka milya [1,600 ka kilometro] aron makita ako ug ang akong mga igsoong lalaki nga sulod lang sa pipila ka adlaw.

Naghunahuna ko, “OK, mao na sab lagi kini!” Akong gipasabot nga ang akong papa miorden nako ngadto sa pagkapari ug espesyal kaayo kana.

Nabuksan na usab ang pagsugilon sa tanan nga akong gituohan! Nagsugod kami sa pag-istorya og mas daghan pa mahitungod sa Ang Simbahan ni Jesukristo sa mga Santos sa Ulahing mga Adlaw. Akong nasuta nga siya adunay mga paryente nga mga miyembro sa Simbahan. Misulti siya nako nga ang makadungog sa akong mga gituohan ug mga kasinatian nakatabang kaniya nga mas makasabot sa Simbahan.

Walay talagsaong istorya sa pagkakabig ang nahitabo gikan niini. Ang akong therapist dili interesado sa pag-apil sa Simbahan. Apan kini importante alang kanako—ang pagpakig-istorya sa akong therapist nakahatag kanako og kamasaligon nga dili magpakahilom mahitungod sa akong gituohan.

Sa una mahadlok ko nga maghisgot mahitungod sa relihiyon, apan tungod kay nabansay og kadaghan, makadiretso ra ko sa paghisgot niini. Wala koy pagduhaduha nga ang Langitnong Amahan adunay buluhaton nga ipabuhat ngare kanako. Ang akong buhat mahimong lahi gikan sa unsa ang gibuhat sa ubang mga tawo, apan kinsa pay lain nga makapaambit sa ebanghelyo sa ubang mga tawo nga akong nailhan, sama sa akong therapist? Mao kana ang akong buhat.

Kitang tanan gibutang dinhi sa yuta aron makakat-on ug molambo. Kita mahimong mga kamot sa Langitnong Amahan samtang kita mohigugma sa ubang tawo ug magtisok og ginagmayng mga binhi sa ebanghelyo sa ilang mga kasingkasing. Busa, sa higayon nga moabot ang usa ka misyonaryo nga oportunidad, ako kining dawaton tungod kay akong mabati ang Espiritu uban kanako—ug ganahan ko sa matag minuto niini.

Ang tagsulat nagpuyo sa New Mexico, USA.